प्रमुख समाचारब्रेकिंग न्युजराजनीति

वार्तामा आउन बिप्लवलाई देउवाको आग्रह

0

पाल्पा २ चैत । नेपाली काङ्ग्रेसका सभापति शेरबहादुर देउवाले नेत्रबिक्रम चन्द विप्लव नेतृत्वको नेकपालाई हत्याहिंसा छोडेर वार्तामा आउन आग्रह गरेका छन् । प्रेस युनियन पाल्पा शाखाद्वारा आयोजित पत्रकार सम्मेलनमा सभापति देउवाले प्रेस माथिको अंकुश लगाउने कार्य सहन नसकिने बताए । सभापति देउवाले नेकपा पार्टीलाई सहमतिमा ल्याउन सरकारले वार्ता गर्नुपर्ने बताए ।
काङ्ग्रेस र प्रजातन्त्र पर्यावाची शब्द जस्तै रहेको बताउँदै उनले प्रतिपक्षका रुपमा रहेको काङ्ग्रेस पार्टी रेलिङ्ग भाच्ने पार्टी नभएको बताए । नेपाली काङ्ग्रेस हिन्दू धर्मको पक्षमा रहेको भन्ने सञ्चारकर्मीको प्रश्नमा देउवाले नेपालको संविधानमा रहेको व्यवस्था मान्ने बताए । उनले गिरिजाप्रसाद कोइरालाको धर्म निरपेक्षताको नेतृत्व गरेकाले शेखर र शशांक कोइरालाले हिन्दू धर्मका पक्षमा बोलेर केही नहुने जिकिर गरे । सभापति देउवाले मधेशमा आन्दोलन गर्दै आएको सिके राउतसँग सरकारले गरेको सम्झौता राष्ट्रघाती भएको टिप्पणी गरे । सहमति भएको केही समयमै सिके राउतका समर्थकले ुनयाँ देश मधेसमा स्वागत छु भन्दै निकालिएको जुलुसले यसको पुष्टि गरेको देउवाले दाबी गरे।

इयुबाट बाहिरिने प्रस्ताव बेलायती संसदमा अस्वीकृत

Previous article

मन्दिर दौडाहामा राहुल गान्धीका लागि मन्त्री

Next article

You may also like