प्रमुख समाचार

रोनाल्डोका बिरुद्ध उजुरी

0

काठमाडौं ५ चैत । युरोपियन फुटबलको प्रशासकीय निकाय युइएफएले इटालियन क्लब युभेन्टसका स्ट्राइकर क्रिष्टियानो रोनाल्डोविरुद्ध उजुरी परेको छ । च्याम्पियन्स लिग फुटबलको अन्तिम १६ अन्तर्गत स्पेनिस क्लब एथ्लेटिको मड्रिडसँगको खेलको क्रममा ह्याट्रिक गरेपछिको रोनाल्डोको सेलिब्रेशन अनुपयुक्त रहेको युइएफएले उल्लेख गरेको छ । ३४ वर्षका रोनाल्डोले ह्याट्रिक गरेपछि त्यसको सेलिब्रेशनको क्रममा एथ्लेटिको मड्रिडका प्रशिक्षक डिएगो सिमोनको शारीरिक भावको कपी गरेका थिए । पहिलो लेगमा २–० ले पराजित भएर पनि दोस्रो लेगमा रोनाल्डोको ह्याट्रिकको सहयोगमा युभेन्टसले अन्तिम ८ को यात्रा तय गरेको थियो । प्रशिक्षक सिमोले पहिलो लेगमा जित निकालेपछि समर्थकतिर फर्किएर आफ्नो क्रच समातेका थिए। रोनाल्डोले दोस्रो लेगमा ह्याट्रिक गरेपछि त्यसै गरेका हुन् । युइएफएले रोनाल्डोविरुद्धको उजुरीमा मार्च २१ मा निर्णय गर्ने छ । सिमोनले आफ्नो सेलिब्रेशनका लागि २० हजार युरो जरिवाना तिर्नुपरेको थियो । क्वाटरफाइनलमा युभेन्टसले डच क्लब अजाक्ससँग खेल्नेछ ।

नेपाली कांग्रेसमा अनुशासन समिति गठन

Previous article

सिके राउतले बनाए ‘जनमत पार्टी

Next article

You may also like