संखुवासभामा सिम्रिक एयरको हेलिकप्टर दुर्घटना, क्याप्टेनसहित तीन जना गम्भीर घाइते

खोज पत्रिका शुक्रबार, २०८० बैशाख २२, २० :३५ बजे

काठमाडौं । संखुवासभामा हेलिकप्टर दुर्घटना हुँदा क्याप्टेनसहित तीन जना गम्भीर घाइते भएका छन् । दुर्घटनामा क्याप्टेन सुरेन्द्र पौडेल को पाइलट छिरिङ भोटे र स्थानीय भविन गुरुङ गम्भीर घाइते भएका हुन् ।

उनीहरुलाई नेपाली सेनाको टोलीले उद्धार गरेर उपचारका लागि पठाएको छ । घटनास्थलमा रहेका भोटखोला गाउँपालिका वडा नम्बर ४ का वडाअध्यक्ष विकास तामाङले हेलिकप्टरमै रहेका छिरिङ भोटे भने सकुशल रहेको जानकारी दिए ।

माथिल्लो अरुण हाइड्रो पावरका सामान गोला भन्ने स्थानबाट सिप्रुङ भन्ने स्थानमा लैजाँदै गर्दा भोटखोला गाउँपालिका वडा नम्बर ४ सिप्रुङमा हेलिकोप्टर दुर्घटनामा परेको हो ।

घटनास्थलमा रहेका तामाङले हेलिकोप्टरको पंखा पहाडको भित्तामा ठोक्किएर दुर्घटनामा भएको छ । घटनास्थलमा नेपाली सेना, नेपाल प्रहरी र स्थानीयवासी उद्धारमा खटिएका छन् ।