रुसी राष्ट्रपति भारतमा हुने जी–२० शिखर सम्मेलनमा सहभागी हुने !

नयाँ दिल्ली । रुसी राष्ट्रपति भ्लादिमिर पुटिन सेप्टेम्बरमा भारतमा हुने जी–२० शिखर सम्मेलनमा व्यक्तिगत रूपमा उपस्थित हुने सम्भावना देखिएको ब्लुमबर्गले खुलासा गरेको छ । ब्लूमबर्गको रिपोर्ट अनुसार सम्मेलनको मितिको छेउछाउ राष्ट्रपति पुटिनको सबै कार्यक्रम खाली राखिएको छ ।

युक्रेनमा युद्धलाई लिएर बढ्दो दबाबको बीचमा पुटिनले पछिल्लो दुई जी– शिखर सम्मेलनमा सहभागी भएका छ्रैनन् । पुटिनको तालिकासँग परिचित स्रोतहरूले नाम न छाप्ने सर्तमा दाबी गरेका छन् कि यसपालीको जी–२० शिखर सम्मेलनमा पुटिनले सहभागी हुने योजना बनाएको छ, यद्यपि अन्तिम निर्णय भने भइसकेको छैन।

यद्यपी, पुटिनका प्रवक्ता दिमित्री पेस्कोभले टिप्पणी गर्न अस्वीकार गरेका छन्। भारतले पुटिनलाई सेप्टेम्बर ९—१० मा हुने जी–२० नेताहरूको शिखर सम्मेलनको लागि औपचारिक निम्तो दिएको छ भने रसियाले निम्तोलाई स्वीकार गरेको छ ।

मार्चको सुरुमा नयाँ दिल्लीमा भएको जी–२० विदेश मन्त्रीहरूको बैठकले युक्रेनमा रसियाको युद्धलाई लिएर सहभागी राष्ट्रबीच मत विभाजन भएको थियो । बालीमा अघिल्लो वर्ष भएको जी–२० शिखर सम्मेलनमा रूस र चीनले संयुक्त वक्तव्यलाई अवरुद्ध गरेपछि संयुक्त विज्ञप्ति बिना समाप्त भएको थियो ।

थप समाचार

सर्वोच्चको आदेश शिक्षक नेताहरूको हठका विरुद्धमा होः शंकर पोखरेल

भूकम्पीय जोखिमबाट बच्न चेतना फैलाउन आवश्यक छः राष्ट्रपति

आजदेखि बजेट अधिवेशन, प्रधानमन्त्रीले सम्बोधन गर्ने

आज भूकम्प स्मृति दिवस मनाइँदै

विद्या भट्टराईले दिइन् शिक्षा मन्त्रीलाई बधाई, प्रधानमन्त्रीलाई धन्यवाद

कक्षा १२ को वार्षिक परीक्षा नसर्ने