अमेरिकाले मणिपुरको पर्यटन क्षेत्रमा ५० करोड अमेरिकी डलर लगानी गर्ने

इम्फाल । संयुक्त राज्य अमेरिकाले मणिपुरमा ५० करोड अमेरिकी डलर लगानी गर्न सहमत भएको छ । अमेरिकाले उक्त क्षेत्रमा लगानी गर्ने मणिपुरका मुख्यमन्त्री एन वीरेन सिंहले बताएका छन् । अमेरिकाको एउटा कम्पनीले पर्यटन क्षेत्रमा ५० करोड अमेरिकी डलर लगानी गर्ने औपचारिक आश्वासन दिएको मुख्यमन्त्री एन वीरेनले इम्फालको इबुधौ मार्जिङ पोलो कम्प्लेक्समा पत्रकारहरुलाई जानकारी दिएका छन् ।

मुख्यमन्त्री र अमेरिकी प्रतिनिधिहरूबीच भएको पछिल्लो वार्तामा यस्तो आश्वासन दिइएको मुख्यमन्त्रीले पत्रकारलाई बताएका छन् । त्यसैगरी अर्जेन्टिना र पेरुका प्रतिनिधिले पनि प्रदेशबाट महिला स्वास्थ्यकर्मी पठाउन मणिपुर सरकारसँग सहयोग मागेका छन् ।

मुख्यमन्त्रीले मणिपुरका केही महिला नर्सहरू पनि हाल जापानमा सम्झौताअनुसार काम गरिरहेको बताए । मुख्यमन्त्री एन वीरेनले अर्जेन्टिनाका प्रतिनिधिहरुले मणिपुर भारतको फुटबलमा पावरहाउस भएको भन्दै खुसी व्यक्त गरेको बताए ।

थप समाचार

युद्धको भिडियो र फोटो सामाजिक सञ्जालमा हाल्ने ६ नेपाली पक्राउ,…

सेवा प्रवाह प्रभावकारी बनाउन काठमाडौं प्रशासनमा ‘सार्वजनिक सम्बोधन प्रणाली’ लागू

नयाँ जनादेशले देशलाई स्थायित्व, विकास र समृद्धितर्फ अघि बढाउने आशा…

पैसाको सदुपयोग गर्न जान्नुपर्छ– गभर्नर

ड्रोन आक्रमणपछि दुबई विमानस्थल अस्थायीरुपमा बन्द

जेन–जी आन्दालनले धनी र गरिवबीचको आम्दानीको वितरणमा ठूलो खाडल