भारतीय वायूसेना कम्पनीले १ हजार १ सय ठूला–साना हवाईजहाज खरिद गर्ने

नयाँ दिल्ली । भारतका वायुसेवा कम्पनीले १ हजार १ सय भन्दा बढी हवाईजहाज खरिद गर्न लागेका छन् । १७ वर्षभन्दा बढी समयपछि टाटा समूहको स्वामित्वमा रहेको एयर इन्डियाले मंगलबार एयरबस र बोइङसँग जम्मा ४७० वटा विमानको अर्डर गरिसकेको छ । यो अहिलेसम्मकै धेरै खरिद गर्न लागिएको हो । यसमा वाइड बडी र न्यारो बडी एयरक्राफ्ट रहेका छन् ।

यस्तै भारतको सबैभन्दा ठूलो एयरलायन्स इन्डिगोले लगभग ५०० विमानहरू अर्डर गरेको छ । त्यस्तै, अलास्का एयरले ७६ बोइङ ९न्यारो बडी० लागि अर्डर गरेकोमा, १६ वटा विमानहरू डेलिभरी भइसकेका छन्।

गो एयरको नामले चिनिने गो फर्स्टले पनि ७२ वटा विमान अर्डरमा छन् भने भिस्टाराले थप १७ वटा बोइङ विमान खरिद गर्ने छन् । एयर इण्डिया, इन्डिगो, आकासा एयर, गो फर्स्ट र भिस्टारासँग कम्तिमा १,११५ विमानहरू अर्डरमा छन्। हाल, देशमा लगभग ७०० व्यावसायिक विमानहरू छन्, जसमध्ये धेरैजसो न्यारो बडी वा एकल अइस्ले विमानहरू छन्।

यसमध्ये भारतीय विमान कम्पनीसँग एयरबसका करिब ४७० विमान र बोइङका करिब १५९ बोइङ विमान व्यावसायिक सेवामा छन्। भारतले आगामी दुई दशकमा करिब २,२१० नयाँ विमानको आवश्यकता पर्ने प्रक्षेपण गरेको छ र सन् २०४१ सम्ममा वार्षिक आन्तरिक हवाई यातायातको वृद्धि झण्डै ७ प्रतिशत हुने अनुमान गरेको छ। भारतीय कम्पनीले आगामी एक देखि दुई वर्षमा १,५०० देखि १,७०० विमानहरूको लागि अर्डर गर्ने सम्भावना रहेको बताइएको छ ।

थप समाचार

सर्वपक्षीय बैठकमा प्रधानमन्त्री कार्कीः निर्वाचनलाई संकट हैन, खुशीको रुपमा लिऔं

सिंहदरबार बैठकमा रास्वपाको दाबीः दलका नेता, उम्मेदवार र मतदाताको सुरक्षाको…

कांग्रेस सभापति देउवा र एमाले अध्यक्ष ओलीबीच छलफल

तारिख बुझ्न अदालत पुगेका रवि लामिछानेले भनेः ओलीले लगाएको ‘गुन’…

रवीन्द्र मिश्रले फैलाएको अफावाहबाट भ्रममा नपर्न राप्रपाको आग्रह

विदेशबाट मतदान तथा अन्तर क्षेत्र निर्वाचनको कानुनी मस्यौदा तयार, होला…