राष्ट्रिय सहकारी बैंक र महालक्ष्मी नगरपालिकाले गरे तरलता व्यवस्थापन कार्यक्रम

काठमाडौं । महालक्ष्मी नगरपालिकाको आयोजना तथा राष्ट्रिय सहकारी बैंक लिमिटेड इमाडोल शाखाको व्यवस्थापनमा सहकारी संस्थाहरूका लागि तरलता व्यवस्थापन सम्बन्धी प्रशिक्षण एवम् अन्तरक्रिया कार्यक्रम गरिएको छ । आँगन पार्टी प्यालेस, महालक्ष्मी नगरपालिका–१, इमाडोलमा कार्यक्रममा नगरपालिका भित्र रहेका सहकारी संघ–संस्थाका प्रतिनिधिहरूको सहभागिता थियो ।

कार्यक्रममा नगर प्रमुख हरि गोविन्द श्रेष्ठले नगर क्षेत्रभित्रका सहकारीहरू संस्थाहरु सदस्यमैत्री भई सफल, सबल र अब्बल भएको आफूले हेर्न चाहेको बताए । उनले सहकारी संस्थाहरुको विकास र प्रवर्द्धन गर्न नगरपालिकाले सहकारी बैंकसँगको सहकार्यमा काम गर्न सकिने उल्लेख गरे ।

राष्ट्रिय सहकारी बैंकका अध्यक्ष के.बी. उप्रेतीले पछिल्लो समय बैंक तथा वित्तीय क्षेत्रमा देखिएको तरलता अभाव बिस्तारै सहज भएको बताए । अलिले राष्ट्रिय सहकारी बैंकमा दैनिक निक्षेप बढिरहेको भन्दै अर्थतन्त्रमा देखिएको समस्या सहज हुने उल्लेख गरे ।

कार्यक्रममा सञ्चालक रामहरि बजगाईँ, केदार मानन्धर, नगरपालिकाको सहकारी शाखाका सरिता गौतम, राष्ट्रिय सहकारी बैंक इमाडोल शाखाका शाखा प्रमुख अनुजा सैँजु लगायतको उपस्थिति थियो । कार्यक्रममा बैंकको तालिम विभागका अधिकृत बल्लभ तिम्लसीनाले सहकारीको तरलता व्यवस्थापनको विषयमा सहजीकरण गरेकी थिइन ।

थप समाचार

रास्वपामा रवि लामिछानेकै नेतृत्व आवश्यक भएको रञ्जु न्यौपानेको दाबी

जेन–जी आन्दोलनसम्बन्धि मानव अधिकार आयोगको सिफारिस गैर संवैधानिक छः बार…

सरकारका नीति र निर्णय जनहितविपरीत रहेको प्रचण्डको आरोप

जग्गाको द्वेध स्वामित्व अन्त्य गर्न सरकार प्रतिवद्ध छः मन्त्री रावल

अदालतको फैसलालाई सरकारको ‘हार–जित’ का रूपमा बुझ्नु संकुचित मानसिकताः मुख्य…

व्यवसायीका सुझावअनुसार नीति सच्याउन तयार छौँः अर्थमन्त्री वाग्ले