मदिरा व्यवसायको कारोबार रोक्ने स्थानीय प्रशासनको निर्णयप्रति महासंघको आपत्ति

खोज पत्रिका मङ्लबार, २०७९ कार्तिक २२, १६ :०८ बजे

काठमाडौं । निर्वाचन अवधिमा मदिराको कारोवार नगर्न भन्दै विभिन्न जिल्ला प्रशासन कार्यालयहरुले जारी गरेका सुचनाहरुप्रति नेपाल मदिरा ब्यवसायी महासंघले आपत्ति जनाएको छ । निर्वाचन सम्पन्न हुनु १५ दिन अघिदेखि नै मदिरा तथा मदिराजन्य वस्तुहरुको कारोबार बन्द गर्न विभिन्न जिल्लाका प्रशासन कार्यालयहरुको सुचना गैरजम्मेबारपूर्ण भएको भन्दै यस्तो सुचना तत्काल फिर्ता लिएर मदिरा ब्यवसाय संचानलमा अवरोध नगर्न महासंघले सम्बन्धित निकायहरुसंग आग्रह गरेको छ ।

नेपाल मदिरा ब्यवसायी महासंघको बैठकले जिल्ला प्रशासन कार्यालयहरुले सुचना जारी गरि मदिरा तथा मदिराजन्य बस्तुहरुको कारोबार गर्न रोक लगाएको भन्दै उक्त निर्णयको विरोध गर्ने निर्णय गरेको महासंघका अध्यक्ष शोनाम शेर्पाले बताए । पछिल्लो समय बैंकहरुले बृद्धि गरेको ब्याज, घर भाडा, राज्यका निकायहरुमा तिर्नुपर्ने राजस्व, सेवा शुल्क, कर्मचारीको तलब भत्ता प्रशासनिक खर्च, कोविड महामारीको लगडाउन लगायतका कारण मदिरा ब्यवसाय धरासयी भएको अवस्थामा निर्वाचनका नाममा १५ दिन सम्म मदिराको कारोबार बन्द गर्ने निर्णयले मदिरा ब्यवसाय थप धरासयी हुने भएकाले जिल्ला प्रशासन कार्यालयहरुको सुचना तत्काल सच्याउनु पर्ने अध्यक्ष शेर्पाको भनाई छ ।

मदिरा कारोबारको सिजन सुरु भएको अवस्थामा स्थानीय प्रशासनले कारोबारमा प्रतिवन्ध लगाउने कार्यले ब्यबसायीक क्षेत्रमा ठुलो क्षति हुने मदिरा ब्यवसायी संघ काठमाडौंका अध्यक्ष राजन के.सी.ले बताए । निर्वाचनको अवधिमा एक दुई दिन मदिराको कारोबार बन्द हुनु स्वभाविक भएपनि व्यवसायीक सिजनमा निर्वाचनको नाममा दुई हप्ता भन्दा बढि समय सम्म कारोबार बन्द गर्ने अभ्यास कहि कतै नभएको उनको भनाई छ । मदिरा पसल बन्द गरेर कहाँ जानु ? उनले भने निर्वाचन अवधीमा कारोबार थप ब्यबस्र्थीत वनाउन सकिन्छ तर कारोबार नै बन्द गर्ने कार्य ब्यवहारिक छैन ।

लामो समयका लागि मदिरा कारोबारमा लगाईएको प्रतिवन्ध तत्काल नहटाए ब्यवसायीहरुले कडा आन्दोलन गर्न बाध्य हुने नेपाल मदिरा ब्यबसायी महासंघले जनाएको छ । महासंघले पहिलो चरणमा सम्वन्धीत जिल्ला प्रशासन कार्यालयहरुमा गएर छलफल गर्न सबै जिल्ला मदिरा ब्यवसायी संघहरुलाई निर्देशन दिएको छ । मदिरा ब्यवसायीहरु र जिल्ला प्रशासन कार्यालयहरुसंग समन्वय गरेर मदिरा कारोबारलाई थप व्यवस्थित बनाउन समेत महासंघले आग्रह गरेको छ । विभिन्न बाहानामा राज्यले पटक पटक मदिरा ब्यवसाय संचालनमा अवरोध गदै आएको भन्दै ब्यवसायीहरुले दुःख ब्यक्त गदै आएका छन ।

राज्यलाई सबै भन्दा बढि राजस्व तिर्ने मदिरा ब्यबसायलाई ब्यवसाय संचालनमा उपयुक्त वातावरण तयार गर्नुपर्नेमा उल्टै बारम्वार ब्यवसाय संचालमा अवरोध गदै आएको भन्दै ब्यवसायीहरुको गुनासो गदै आएका छन । यस अधि कोरोेना महामारीको समयमा समेत स्थानीय प्रशासनहरुले मदिरा ब्यबसायमा प्रतिवन्ध लगाएपछि नेपाल मदिरा ब्यवसायी महासंघले ब्यवसाय संचालन गर्न पाउनुपर्ने भन्दै सर्वोच्च अदालतमा रिट समेत दायर गरेको थियो ।

सर्वोच्चको आदेश पछि उक्त समयमा ब्यवसाय संचालन गरिएको थियो । निर्वाचन सम्पन्न हुन ३ दिनअघि मदिरा तथा मदिराजन्य बस्तुहरुको कारोबार बन्द गरिदै आएको भएपनि यस पटक भने निर्वाचन अवधीका १५ दिन सम्म मदिरा तथा मदिराजन्य बस्तुको कारोबार विक्री वितरण नगर्न विभिन्न जिल्लाका स्थानीय प्रशासन कार्यालयहरुले सुचनाहरु जारि गरि मदिरा मदिरा तथा मदिराजन्य बस्तुहरुको कारोबार गर्न प्रतिवन्ध लगाएका छन ।

क्याटेगोरी : अर्थ, प्रमुख समाचार, समाचार
ट्याग : #नेपाल मदिरा ब्यवसायी महासंघ, #मदिराको कारोवार