राष्ट्रिय सहकारी बैंकले सुरू गर्‍यो कोप कार्ड

खोज पत्रिका शुक्रबार, २०७९ साउन २०, २२ :०१ बजे

काठमाडौं । राष्ट्रिय सहकारी बैंक लिमिटेडले कोप कार्ड सेवा सुरू गरेको छ । बैंकको २० औँ स्थापना दिवसको अवसरमा आयोजित एक कार्यक्रमको बीच सेवाको उद्घाटन गरेको हो ।

राष्ट्रिय सहकारी बैंक लिमिटेड र ग्लोबल आईएमई बैंक लिमिटेडबीचको सहकार्यमा स्मार्टच्वाइस टेक्नोलोजी लिमिटेडले सहकारी संस्थाहरुको लागि सहकारी पहिचानसहितको ‘कोप कार्ड’ को सेवा सञ्चालनमा ल्याएको हो ।

नेपाल राष्ट्र बैंकबाट भुक्तानी प्रणाली सञ्चालकको अनुमतिपत्र प्राप्त स्मार्टच्वाइस टेक्नोलोजी लिमिटेडले २० वर्षदेखि बैंक तथा वित्तीय संस्थाहरूलाई एटीएम कार्ड, स्मार्टक्यूआर र मोबाइल बैंकिङमार्फत आफनो सेवा दिँदै आएको छ । एससीटीले सय भन्दाबढी सहकारीलाई कार्ड सेवा दिएको छ ।

क्याटेगोरी : अर्थ, देश/दुनियाँ, समाचार
ट्याग : #राष्ट्रिय सहकारी बैंक