इन्डोनेसियाको केन्द्रीय राजधानी कालीमान्तान टापुको नुसान्तरामा लैजान बाटो खुल्यो

खोज पत्रिका बिहिबार, २०७८ माघ ६, ०७ :३८ बजे

काठमाडौं । इन्डोनेसियाको केन्द्रीय राजधानी सार्ने कानुन संसदबाट पारित भएको छ । जाकार्तामा रहेको अहिलेको राजधानी सारेर कालीमान्तान टापुको नुसान्तरामा लैजाने कानुन संसदबाट पारित भएपछि सार्ने बाटो खुलेको छ ।

राजधानी सार्ने कानुनलाई राष्ट्रपति जोको विडोडोको कार्यकालको महत्त्वपूर्ण उपलब्धिको रुपमा दाबी गरिएको समाचारसंस्था सिन्ह्वाले जनाएको छ । इन्डोनेसियाको राजधानी सार्ने विषय पहिलेदेखि नै मुख्य चुनावी एजेण्डा र मुख्य योजनाका रुपमा रहँदै आएको थियो । जाकार्ताको जनसंख्या अत्यधिक धेरै हुनु, जमिनको अभाव हुनु लगायतका कारणले राजधानी सार्नुपर्ने अवस्था आएको हो ।

राजधानी सार्न थालिएको ठाउँ नुसान्तारा सहर झण्डै दुई लाख ५६ हजार हेक्टर क्षेत्रफलमा फैलिएको छ । यो ठाउँको छनोट भने पूर्व राष्ट्रपति जोकोबीले गरेका थिए । इन्डोनेसिया विश्वको चौथो धेरै जनसङ्ख्या भएको देश हो । इन्डोनेसियामा अहिले २७ करोडभन्दा बढी जनसङ्ख्या रहेको छ।

क्याटेगोरी : विदेश, समाचार
ट्याग : #इन्डोनेसिया, #कानुन संसद