Techie IT
  • २१ मंसीर २०७८, मंगलबार
KhojPatrika

आज हरितालिका तीज देवादिदेव महादेवको पूजाआराधना गरी मनाइँदै


काठमाडौं । भाद्र शुक्ल तृतीयाका दिनमा मनाइने हरितालिका (तीज) पर्व आज देवादिदेव महादेवको पूजाआराधना गरी मनाइँदैछ । भाद्र शुक्ल तृतीयामा व्रत बसी शिव पार्वतीको पूजा, उपासना गरेमा पारिवारिक सुख, शान्ति र कल्याणको प्राप्ति हुने धार्मिक विश्वास छ । सत्य युगमा हिमालय पुत्री पार्वतीले गौरीघाटमा बसी तपस्या गरेर महादेव पति पाउने वरदान पाएको विश्वासमा यो व्रत सुरु भएको पौराणिक मान्यता छ ।

वरदान विपरीत पार्वतीका पिता हिमालयले पार्वतीको इच्छाविपरीत विष्णुसित विवाह गरिदिन खोजेपछि साथीहरुलाई आफ्नो समस्या सुनाइन् । पार्वती समस्यामा परेको थाहा पाएपछि उनका साथीहरुले हरण गरेर लगी कसैले नदेख्ने ठाउँमा लुकाएर राखिदिए । साथीहरुले लुकाएकै ठाउँमा पार्वतीले निराहार व्रत गरी महादेवलाई पतिका रुपमा प्राप्त गरिन् । यसरी पार्वती साथीहरुद्वारा हरण भएको दिनभाद्र शुक्ल तृतीयाको दिनभएकाले त्यही समयदेखि हरितालिका (तीज)को व्रतलिने प्रचलन सुरु भएको हो ।

सत्य युगमा आजैको दिन निराहार व्रत बसी पार्वतीले श्रीमहादेव स्वामी पाएकाले आजको दिनमा व्रत बस्दा मनोकामना पूरा हुने विश्वास छ । कोरोना संक्रमणका कारण यसपटक भने काठमाडौं पशुपतिनाथ लगायत देशभरका शिवालयमा भक्तजनको न्यून उपस्थिति छ । तीजमा ब्रतालु महिलाहरुले नाचगान गरी रमाइलो गर्दछन ।


क्याटेगोरी : देश/दुनियाँ, प्रमुख समाचार, समाचार
ट्याग : #महादेवको पूजाआराधना, #हरितालिका (तीज)

तपाईको कमेन्ट लेख्नुहोस्