एक वर्षमा १५ खर्ब ३९ अर्बको वस्तु आयात, खाद्यान्नमा मात्रै बाहिरियो नेपालबाट खर्बौ रुपैयाँ

काठमाडौं । कृषिप्रधान देश नेपालले एक वर्षमा नै झण्डै ८० अर्ब रुपैयाँको खाद्यान्न आयात गरेको छ । नेपालमै मनग्य उत्पादन गर्न सकिने धान, गहुँ, मकै, कोदो, फापर, जौँ तिल लगायतका खाद्यान्न छिमेकी देश भारतदेखि युरोपका विभिन्न देश, अमेरिका अनि दक्षिण अफ्रिकाबाट आयात गरिएको हो । भन्सार विभागका अनुसार गएको आर्थिक वर्षमा ५० अर्ब ८० करोड रुपैयाँ भन्दा धेरैको धानरचामल, कनिका र च्युरा मात्रै आयात भएको छ । यसमध्ये झण्डै ४५ अर्ब रुपैयाँको धान÷चामल भारतबाट मात्रै आयात भएको छ ।

नेपालले चीन, अमेरिका, इन्डोनेसिया, जापान फिलिपिन्स लगायत देशबाट धान, चामल आयात गर्दै आएको भन्सारको तथ्यांक छ । गएको एक वर्षमा साढे १६ अर्ब रुपैयाँको मकै आयात भएको छ । नेपालले भारत, चीन देखि अर्जेन्टिना, दक्षिण अफ्रिका लगायतका देशबाट मकै आयात गर्दैआएको छ । नेपालमा पछिल्ले एक वर्षमा ३८ अर्ब ५० करोड रुपैयाँको हरियो तरकारी, २१ अर्ब रुपैयाँको फलफूल, साढे नौ अर्ब रुपैयाँको चियारकफी आयात भएको भन्सार विभागले जानकारी दिएको छ ।

नेपालीहरु सुविधाभोगी बन्दै जाँदा सुखसयलका सामग्रीको आयात पनि बढ्दै गएको देखिन्छ । ९७ अर्ब ३७ करोड रुपैयाँका गाडी एक वर्षमा नेपाल भित्रिएका छन् । ३४ अर्ब रुपैयाँ भन्दा धेरैका मोबाइल, फोन र पाटपूर्जा, ६४ करोड ५८ लाख रुपैयाँको घडी आयात भएको छ । समग्रमा गएको आर्थिक वर्षमा नेपालले १५ खर्ब ३९ अर्ब रुपैयाँको वस्तु आयात गरेकोमा जम्मा एक खर्ब ४१ अर्ब रुपैयाँको मात्रै निर्यात गर्न सफल भएको छ । नेपालको व्यापार घाटा एकै वर्ष १३ खर्ब ९८ अर्ब रुपैयाँ पुगेको भन्सारको तथ्यांकले देखाएको छ ।

थप समाचार

रास्वपामा रवि लामिछानेकै नेतृत्व आवश्यक भएको रञ्जु न्यौपानेको दाबी

जेन–जी आन्दोलनसम्बन्धि मानव अधिकार आयोगको सिफारिस गैर संवैधानिक छः बार…

सरकारका नीति र निर्णय जनहितविपरीत रहेको प्रचण्डको आरोप

जग्गाको द्वेध स्वामित्व अन्त्य गर्न सरकार प्रतिवद्ध छः मन्त्री रावल

अदालतको फैसलालाई सरकारको ‘हार–जित’ का रूपमा बुझ्नु संकुचित मानसिकताः मुख्य…

व्यवसायीका सुझावअनुसार नीति सच्याउन तयार छौँः अर्थमन्त्री वाग्ले