कोरोना संक्रमण बढेसँगै पत्रकार महासंघ रुकुमद्धारा स्वास्थ्य सुरक्षा सामाग्री वितरण

काठमाडौं । नेपाल पत्रकार महासंघ रुकुमले जिल्लामा क्रियाशिल संचारकर्मी र संचारगृहलाई स्वास्थ्य सुरक्षाका सामाग्री बितरण गरेको छ । कोरोना संक्रमणको उच्च जोखिमका बिच अग्रभागमा रहेर सूचना प्रवाह गर्ने संचारकर्मी र संचारगृहलाई १ हजार ५ सय ओटा मास्क र २५ वटा सेनिटाईजर उपलब्ध गराइएको महासंघ जिल्ला शाखाका अध्यक्ष लक्ष्मण केसीले जानकारी दिए ।

सदरमुकाममा रहेका संचारकर्मीहरुलाई महासंघका सचिव हिरा परियार, सह सचिव नारायण ओली, सदस्यहरु संगम देवकोटा, परिचन्द्र खत्री र दिपेन्द्र महतारा र सल्लाहकार हरि गौतम सहितको टोलीले संचारगृह र संचारकर्मीहरुलाई भेटेर सामाग्री दिएका हुन् । महासंघका अध्यक्ष केसीले सदरमुकाम बाहिर र रुकुम पूर्वका लागि महासंघका प्रतिनिधिहरु मार्फत सामाग्री पठाइएको जानकारी दिए ।

सामाग्रीहरु पहाडी साना किसानका लागि अनुकुलन आयोजना (आशा), हरप्लेस रुकुम, युनाईटेड सर्जिकल दांग र स्वास्थ्य सेवा कार्यालय रुकुम पश्चिमको सहयोगमा प्राप्त गरिएको हो । जिल्लाका संचारकर्मीहरुलाई पहिलो चरणमा उक्त सामाग्री उपलब्ध गराईएको र आगामी दिनहरुमा पनि अन्य निकायको सहयोगमा सामाग्री उपलब्ध गराईने महासंघले जनाएको छ ।

जिल्लामा निषेधाज्ञा जारी भएकोले यस्तो अवस्थामा संचारगृहले संचारकर्मीहरुलको लागि घरमै बसेर काम गर्ने वातावरण मिलाईदिन र संचारकर्मीहरु अत्यावश्यक अवस्थामा मात्र स्वास्थ्य सुरक्षाका मादण्ड पालना गरी परिचय पत्रको साथमा रिपोर्टिङमा निस्कन अनुरोध समेत महासंघले गरेको छ ।

थप समाचार

२१ निर्वाचन क्षेत्रमा पार्टीभित्र ठूलो अन्तर्घातले काँग्रेस पराजित भयो

निर्वाचन आयोगद्वारा प्रधानमन्त्री कार्कीसमक्ष निर्वाचन प्रतिवेदन पेश

गगन थापाको राजीनामा अस्वीकृत,यी हुन् अस्वीकृत गर्ने आधारहरू

रविलाई बालुवाटारमा प्रधानमन्त्रीले भनिन्– देश रोएको छ, सम्हालिएर अघि बढ्नू

‘फेवातालको किनारबाट सिंहदरबारलाई अल्टिमेटमः ‘भाषणको रेल होइन, बाँच्ने आधार चाहियो’

पूर्वप्रधानमन्त्री देउवा सिंगापुरबाट हङकङ प्रस्थान