कर्णाली प्रदेशमा थपिए ४३ कोरोना संक्रमित, कुल संख्या १६१० पुग्यो

खोज पत्रिका सोमवार, २०७७ जेष्ठ १९, ०७ :५९ बजे

सुर्खेत । कर्णाली प्रदेशमा थप ४३ जनामा कोरोना संक्रमण पुष्टि भएको छ । कर्णाली बिज्ञान प्रतिष्ठानमा गरिएको पछिल्लो परिक्षणमा बिभिन्न जिल्लाका ४३ जनामा कोरोना पोजेटिभ देखिएको हो ।

जुम्लाका २ प्रहरीसहित १९ र दैलेखमा २४ जना गरी ४३ जनामा संक्रमण पुष्टि भएको प्रतिष्ठानले जनाएको छ । योसहित कर्णाली प्रदेशमा मात्रै संक्रमितको संख्या ९४ पुगेको छ । यो सहित नेपालमा कोरोना संक्रमितको संख्या १ हजार ६ सय १० पुगेको छ । आइतबार मात्रै नेपालमा १ सय ६६ जना संक्रमित थपिएका थिए ।