बजेट अधिबेशन सुरु, जेठ २ मा नीति तथा कार्यक्रम

काठमाडौं २६ बैशाख । संघीय संसद्को छैटौँ अधिवेशन शुरु भएको छ । बजेट अधिवेशनका रुपमा समेत लिइने अधिवेशनमा सरकारको नीति तथा कार्यक्रम र राजश्व तथा व्ययको वार्षिक अनुमान बजेट प्रस्तुत गर्ने कार्यसूची तय गरिएको छ । बैठकमा छैटौँ अधिवेशन प्रारम्भसम्बन्धी पत्र तथा राष्ट्रपतिबाट संघीय संसद् दुवै सदनको संयुक्त बैठकलाई सम्बोधन गर्नेसम्बन्धी पत्र पढेर सुनाएर बैठक सुरु गरिएको हो । बैठकमा संसदमा प्रतिनिधित्व गर्ने राजनीतिक दलका नेताहरुले अधिवेशन प्रारम्भ भएको अवसरमा मन्तव्य समेत दिएका छन् । यसैबीच कोरोना भाइरसको त्रासका बीच संसदको बर्षे अर्थात बजेट अधिवेशनका लागि राष्ट्रिय सभा र प्रतिनिधि सभाका सवै सांसद, कर्मचारी तथा सुरक्षाकर्मीको स्वाब परिक्षण गरिएको थियो । उनीहरुकोे रिपोर्ट नेगेटिभ आएपछि बैठकमा प्रबेश दिइएको थियो । राष्ट्रपतिले यही वैशाख २१ गते प्रधानमन्त्रीको सिफारिसमा संघीय संसद्को छैटौँ अधिवेशन शुक्रबारका लागि आह्वान गरेकी थिइन । आगामी आर्थिक वर्षका लागि नीति तथा कार्यक्रम संघीय संसदमा जेठ २ गते प्रस्तुत हुनेछ । बजेटका प्राथामिकता तथा सिद्धान्त पेश गर्नेछ । प्रि–बजेट छलफल प्रतिनिधिसभामा तीन दिन र राष्ट्रिय सभामा दुई दिने हुनेछ । प्रतिनिसभामा वैशाख २८, २९ र ३० गते तथा राष्ट्रियसभामा २८ र २९ गते प्रिबजेट छलफल हुनेछ । सरकारले आर्थिक सर्वेक्षण भने जेठ १३ गते पेश गर्ने छ । जेठ १५ गते बजेट आउने संवैधानिक व्यवस्था भएकाले त्यसको १५ दिनअघि नै प्रिबजेट छलफल गर्नुपर्ने कानुनी व्यवस्था छ ।

थप समाचार

बालेन सरकारको सय दिन, प्रशासनिक सुधार, सार्वजनिक सेवाप्रवाहमा जोड

कांग्रेसको इतर पक्षले २२ गतेदेखि चुनदेवीस्थित नयाँ कार्यालयबाट काम गर्ने

शिक्षा क्षेत्रको सुधारका लागि विद्यालयलाई दलगत प्रभावबाट मुक्त गर्न गगनको…

बालेन सरकार ऐनले नचिनेका व्यक्तिको स्वेच्छाचारी शासन भएको एमालेको निष्कर्ष

जनताले महशुस हुनेगरी काम गर्न नसकेको हर्कराज राईको जिकिर

रास्वपाको पहिलो केन्द्रिय समिति बैठकः अनुशासन आयोगको प्रमुखमा पूर्वन्यायाधीश पौडेल…