पिसिआर मेसिनमा रूकुम पश्चिमका दुई जनामा कोरोना संक्रमण पोजेटिभ

खोज पत्रिका बिहिबार, २०७७ बैशाख ४, २० :०६ बजे

कैलाली ४ बैशाख । धनगढीमा पिसिआर मेसिनमा परीक्षण गर्दा रूकुम पश्चिमका दुई जनामा कोरोना संक्रमण पोजेटिभ देखिएको छ । धनगढीको प्रयोगशालामा प्रदेश अस्पताल सुर्खेतबाट पठाएको स्वाब परिक्षणमा दुईजनामा पोजेटिभ देखिएको हो । प्रदेश अस्पताल सुर्खेतका मेडिकल सुपरिटेन्डेन्ट डम्बर खड्काका अनुसार उनीहरूको रिपोर्ट पोजेटिभ देखिएपछि पुनः परीक्षण गर्न काठमाडौं पठाइएको बताएका छन् । सुर्खेतमा पिसिआर मेसिन नभएकाले आरडिटीमा एन्टिबडी देखिएका केही स्वाब धनगढी पठाएको खड्काले बताए । धनगढीमा कोरोना पोजेटिभ देखिएका उनीहरू केही दिनअघि भारतबाट आएको बुझिएको छ । डाक्टर खड्काका अनुसार उनीहरू अहिले होम क्वारेन्टाईनमा बसेका छन् ।

क्याटेगोरी : देश/दुनियाँ, समाचार
ट्याग : #दुई जनामा कोरोना संक्रमण पोजेटिभ