काठमाडौं २ चैत । विश्वव्यापी महामारीको रुपमा फैलिएको कोरोना भाइरसको संक्रमण भारतमा ह्वात्तै बढेको छ । वर्डओमिटरका अनुसार पछिल्लो २४ घण्टामा १ हजार २ सय ४८ जना नयाँ संक्रमित थपिएका छन् भने २७ जनाको मृत्यु भएको छ । भारतमा अहिलेसम्म कोरोनाबाट १० हजार ४ सय ५३ जना कोरोनाबाट संक्रमित भएको पुष्टि भएको छ भने ३ सय ५८ जनाको मृत्यु भएको छ । आइतबार भारतमा ७ सय ५९ जना कोरोना संक्रमित भेटिएका थिए भने ४३ जनाको मृत्यु भएको थियो । यस्तै शनिबार ८ सय ४६ जना नयाँ कोरोना संक्रमित भेटिदा ३९ जनाको मृत्यु भयो । भारतमा पछिल्लो एक सातमामा कोरोनाको संक्रमण दोब्बरभन्दा बढिले बढेको छ । एक साताअघि अर्थात ६ अप्रिलमा भारतमा कोरोनाबाट संक्रमित हुनेको संख्या ४ हजार ७ सय ६८ थियो । एक सातापछि १३ अप्रिलमा यो संख्या ५ हजार ४ सय ८० ले बढेर १० हजार ४ सय ५३ पुगेको छ । मृत्युदर झनै बढि देखिएको छ । पछिल्लो एक सातामा भारतमा कोरोनाबाट मृत्यु हुनेको संख्या करिब तेब्बरले बढेको छ । एक साताअघि अर्थात ६ अप्रिलमा भारतमा कोरोनाबाट १३६ जनाको मृत्यु भएको थियो । एक सातापछि यो संख्या २ सय २२ ले बढेर ३ सय ५८ पुगेको छ ।
क्याटेगोरी : देश/दुनियाँ, विदेश, समाचार
ट्याग : #भारत
थप समाचार
ताजा खबर
- १विस्तृत शान्ति सम्झौताको १८ वर्षः युद्ध गर्ने नेताको जीवनशैली फेरियो, पीडितका दुख भने उस्तै
- २बालुवाटारमा ओली-देउवासहित कांग्रेस र एमालेका शीर्ष नेताहरू छलफलमा
- ३प्रधानमन्त्री, मन्त्री र जनप्रतिनिधिले अनुमति नलिइ उपनिर्वाचनको प्रचारमा हिँड्न नपाउने
- ४मेडिकल व्यवसायी दुर्गा प्रसाईं दोस्रो पटक पक्राउ, प्रधानमन्त्री ओलीविरुद्ध भ्रामक सामग्री प्रचार गरेको आरोप
- ५हिरासतमा रहेका रवि लामिछानेको बोलीले प्रहरी तनावमा,मौका पाउने बित्तिकै सरकारलाई गाली !
तपाईको कमेन्ट लेख्नुहोस्