बारा १ मंसिर । विश्व प्रसिद्ध बाराको गढीमाई मेला आइतबारदेखि सुरु भएको छ । बाराको बरियापुरमा रहेको गढीमाई मन्दिरमा हरेक पाँच वर्षमा लाग्ने यो मेला एक महिना सम्म लाग्छ । मेलाको मुख्य आकर्षण भनेकै पशुबली रहेको छ । मन्दिरमा दुई साताअगाडि देखि नै मेला भर्न आउनेको भीड लागेको थियो । मेला हेर्न देशका विभिन्न ठाउँबाट भक्तजनहरु आउने गर्दछन् भने छिमेकी राष्ट्र भारतबाट पनि उत्तिकै संख्यामा भक्तजनहरुको भीड लाग्ने गर्छ । मेलाका लागि बरियारपुरको मन्दिर आसपासका खेतमा टहराहरु निर्माण गरिएका छन् भने मन्दिर आसपासका क्षेत्रका विभिन्न पसलहरु राखिएका छन् । हजारौं पशुको बली दिइने यो मेलामा पशुबली रोक्न पशुअधिकारकर्मीहरु तथा विभिन्न क्षेत्रबाट आवाज उठ्ने गरेको छ । तर बली प्रथालाई रोक्नुपर्ने सर्वत्र चर्चा भए पनि पुरानो धार्मिक परम्परा भन्दै मन्दिर ब्यवस्थापन समितिले भने बली नरोकिने जनाएकोे छ । मेलामा मंसिर ११ गते पञ्चबली दिएर बली चढाउन सुरु गरिने मेला व्यवस्थापन समितिले जनाएको छ । मेलालाई शान्तिपूर्ण र ब्यवस्थित गर्न भन्दै मेला अवधिभर बरियापुरमा मदीरा र मासु बिक्री तथा प्रयोगमा निषेध गरिएको छ ।
क्याटेगोरी : प्रमुख समाचार, समाचार
ट्याग : #बाराको गढीमाई मेला
थप समाचार
ताजा खबर
- १महेश बस्नेत र दुर्गा प्रसाईँको मंसिर ७ को आन्दोलन (भिडियोसहित)
- २अव माइतीघरदेखि बानेश्वरसम्म आन्दोलन गर्न नपाइने, लगाइयो निषेधाज्ञा !
- ३रुकुमपश्चिममा जिप दुर्घटना, २२ जना घाइते, ५ को अवस्था गम्भिर
- ४उदाउँदो सूर्यलाई अर्घ्य दिएर समापन गरियो यस बर्षको छठ पर्व
- ५टिकटक प्रयोग भएको पाइएमा खबर गर्न दुरसञ्चार प्राधिकरणको आग्रह
तपाईको कमेन्ट लेख्नुहोस्