जाजरकोटमा पहिरोले घर पूरिदा एकै परिवारका तीन जनाको मृत्यु

जाजरकोट १५ भदौ । जाजरकोटको भेरी नगरपालिका– २ तिमिलेमा पहिरोले घर पूरिदै एकै परिवारका तीन जनाको मृत्यु भएको छ । तिमिलेस्थित दलबहादुर वलीको घर पहिरोले पुरिँदा उनका श्रीमतीसहित दुई छोरीको मृत्यु भएको हो । आज बिहान पौने दुइबजे आएको पहिरोले घर पुर्दा श्रीमती ३२ वर्षीया पार्वती वली, छोरीहरु नौ वर्षीया मोतीकला वली र तीन वर्षीया धनसरा वलीको घरभित्र नै पुरिएर मृत्यु भएको जाजरकोट प्रहरीले जनाएको छ । पार्वतीका श्रीमान बलबहादुर घर बाहिर सुतेका कारण बाँच्न सफल भएका हुन् । जिल्ला प्रहरी कार्यालयबाट खटिएको प्रहरी टोलीले उनीहरुको उद्दार गरेको छ ।