डडेल्धुरा १ असार । डडेलधुरा अस्पतालका ११ जना डाक्टर सामूहिक विदामा बस्ने भन्दै पत्राचार गरेका छन् । ३१ जेठमा अमरगढी नगरपालिका बस्ने २५ वर्षीया गीता ताम्राकारको शल्यक्रियापछि निधन भएपछि मृतक परिवारका आफन्तले अस्पतालमा तोडफोड तथा प्रदर्शनसमेत गरेपछि उनीहरु बिदामा बस्ने पत्र लेखेका हुन । अस्पतालमा अराजकता निम्त्याउने समूहलाई कानुनी कार्वाही नगरेसम्म आफूहरु काममा नफर्ने भन्दै सो अस्पतालमा कार्यरत सबै चिकित्सकले सामूहिक बिदा लिएका हुन् । डा.ललित सुरी, डा. उत्तम भट्ट, डा. पदम नेपाली, डा.अमृत अधिकारी, डा.सुभास लामिछाने , डा.विकास दुवाडी, डा. बिभव बस्याल, डा. नरेश श्रेष्ठ, डा. सृजना अधिकारी, डा.सिर्जना महर्जन र डा.डबल बुडा रहेका छन् । उनीहरुले विदा पत्र मेडिकल सुपरिटेन्डेन्ट डा.जितेन्द्र कँडेललाई बुझाएको जानकारी दिएका छन् । सुत्केरी भएको १४ दिनपछि महिलाको मृत्यु भएपछि डडेल्धुरामा तनाव भएको थियो । शल्यक्रिया गरी शिशु जन्माएकी अमरगढी नगरपालिका– ६ छचोडाकी वर्ष २६ की गीता ताम्राकारको शुक्रबार दिउँसो डडेल्धुरा अस्पतालमा अत्याधिक रक्तश्रावका कारण मृत्यु भएको थियो । धर्मराज ताम्राकारकी २६ वर्षीया श्रीमती गीताको मृत्यु अस्पतालको लापरवाहीले भएको भन्दै आफन्त प्रदर्शनमा उत्रेका थिए । चिकित्सकले उपचारमा लापरवाही गरेको भन्दै मृतकका परिवार र आफन्तले अस्पताल, जिल्ला प्रशासन कार्यालय र सडकमा प्रदर्शन गरेका थिए ।रक्तस्राब नरोकिएपछि गीतालाई शुक्रबार परिवारले डडेल्धुरा अस्पताल भर्ना गरेको जनाएको छ । शल्यक्रियामै लापरवाही गरेको र समस्या बल्झिँदै जाँदा पनि अन्य अस्पतलमा नपठाइ त्यही राखेको आरोप आफन्तको छ ।
क्याटेगोरी : प्रमुख समाचार, समाचार, स्वास्थ्य
ट्याग : #docter
थप समाचार
ताजा खबर
- १विस्तृत शान्ति सम्झौताको १८ वर्षः युद्ध गर्ने नेताको जीवनशैली फेरियो, पीडितका दुख भने उस्तै
- २बालुवाटारमा ओली-देउवासहित कांग्रेस र एमालेका शीर्ष नेताहरू छलफलमा
- ३प्रधानमन्त्री, मन्त्री र जनप्रतिनिधिले अनुमति नलिइ उपनिर्वाचनको प्रचारमा हिँड्न नपाउने
- ४मेडिकल व्यवसायी दुर्गा प्रसाईं दोस्रो पटक पक्राउ, प्रधानमन्त्री ओलीविरुद्ध भ्रामक सामग्री प्रचार गरेको आरोप
- ५हिरासतमा रहेका रवि लामिछानेको बोलीले प्रहरी तनावमा,मौका पाउने बित्तिकै सरकारलाई गाली !
तपाईको कमेन्ट लेख्नुहोस्