च्याम्पियन्स लिग फुटबलमा फाइनलमा स्तब्ध क्याटलान जाइन्ट, मेस्सी तथा बार्सिलोनाको सपना चकनाचुर

काठमाडौं १२ जेठ । च्याम्पियन्स लिग फुटबलमा सेमिफाइनलको पहिलो लेगमा ३–० को अग्रता लिएर पनि लिरभपुलसँग पराजित भएको बार्सिलोनाको त्यो पीडामा केही भए पनि राहत मिल्ने आश समाप्त भएको छ । मेस्सी तथा बार्सिलोनाले च्याम्पियन्स लिगबाट बाहिरिँदाको पीडामा घरेलु उपाधि थप गरेर मल्हम लगाउने सोचेका थिए । तर, त्यो पूरा हुन पाएन । लियोनल मेस्सी कप्तानीको बार्सिलोनाको कोपा डेल रे फुटबलको उपाधि जित्ने सपना भ्यालेन्सियाले चकनाचुर पारेको हो । ला लिगाको उपाधि जितेको बार्सिलोनाले शनिबार राति कोपा डेल रे फुटबलको फाइनलमा लेन्सियाको सामना गरेको थियो । जसमा मेस्सी कप्तानीको बार्सिलोना पछि पर्‍यो । रियल बेटिसको मैदानमा भएको खेलमा बार्सिलोना लेन्सियासँग २–१ ले हारेको हो । भ्यालेन्सियाले पहलिो हाफमा नै दुई गोल गरेर अग्रता लिएको हो । उसका लागि २१ औँ मिनेटमा केविन गामेइरो र ३३ औँ मिनेटमा रोड्रिगोले गोल गरेका हुन् । पहिलो हाफमा २–० ले पछि परेको बार्सिलोनाका लागि ७३ औँ मिनेटमा कप्तान मेस्सीले एक गोल फर्काए, तर त्यो गोल हार टार्न पर्याप्त हुन सकेन ।

थप समाचार

ओलीको चेतावनीः ‘एमाले नेतृत्वमाथि छोएको दिन सरकार ढाल्छौँ, देश ठप्प…

निवार्चनसम्बन्धी अध्यादेश जारी गर्न सिफारिस, जाँचबुझ आयोगको म्याद एक महिना…

एमाले अध्यक्षमा केपी शर्मा ओली तेस्रो पटक निर्वाचित

बहुमतका आधारमा प्रतिनिधिसभाको उम्मेद्वार सिफारिस गर्दा रुकुमपश्चिमको कांग्रेसमा खैलाबैला !

उपाध्यक्ष देवराज लामालाई श्रम संस्कृति पार्टीले गर्‍यो निलम्बन

एडीबीले नेपाललाई १४ अर्ब ५९ करोड बराबर ऋण दिने