आइपिएल शनिबारबाट सुरु हुदै, विराट र धोनीको पहिलो प्रतिष्पर्धा
काठमाडौं ९ चैत । ट्वेन्टी–ट्वेन्टी क्रिकेटमा विश्वको सबैभन्दा प्रतिष्ठित क्लब प्रतिस्पर्धाका रुपमा हेरिएको इन्डियन प्रिमियर लिग आइपिएल क्रिकेटको १२ औँ संस्करण शनिबारदेखि सुरु हुन लागेको छ । यो सिजनको सुरुवात गएको सिजनको विजेता चेन्नई सुपुर किंग्स र रोयल च्यालेन्जर्स बैंग्लोरबिचको खेलबाट सुरुवात हुनेछ । महेन्द्र सिंह धोनीको कप्तानीमा रहेको चेन्नईले सन् २०१०, २०११ र २०१८ गरि तीनपटक आइपिएल च्याम्पियन बनेको थियो । सन् २००८, २०१२, २०१३ र २०१५ गरि चारपटक चेन्नई उपविजेता बनेको हो । सात पटक आइपिएलको फाइलन खेल्ने चेन्नई एक मात्र टिम हो। सफलताको स्वाद लिएको चेन्नई सबैभन्दा विवादित पनि बन्यो । चेन्नईमाथि सन् २०१६ र २०१७ मा खेल मिलेमतोको आरोप लाग्यो । मालिक खेल मिलेमतोमा सामेल भएको आरोपमा दुई वर्ष टिममाथि प्रतिबन्ध लाग्यो । गएको वर्षको विजेता चेन्नई आफ्नो मैदान एमए चिदाम्बरम रंगशालमा भारतीय टिमका कप्तान विराट कोहलीको कप्तानीमा रहेको रोयल च्यालेन्जर्स बैंग्लोरसँग प्रतिस्पर्धाका लागि उत्रिँदा गएको वर्षको याद रहनेछ । धोनीले आफ्नो बलबुतामा गएको वर्ष टिमलाई च्याम्पियन बनाएका थिए । चेन्नईमा धोनीसहित आइपिएलका सफल ब्याट्सम्यान सुरेश रैना, फाप डुप्लेसिस, अम्बाती रायडू, मुरली विजयी र साम बिलिङ्गसहितका खेलाडी छन् । यस्तै केदार धाजव, ड्वेन ब्रावो, रवीन्द्र जडेजा र शेन वाट्सन जस्ता खेलाडी पनि छन् ।
क्याटेगोरी : प्रमुख समाचार, समाचार
ट्याग : #khel
थप समाचार
ताजा खबर
- १भीम रावललाई घनश्याम भुसालको आह्वानः एकीकृत समाजवादीमा आउनुस्
- २लिपुलेकबारे चीन–भारत सहमतिले नेपालको सार्वभौमिक अखण्डता अतिक्रमण भयोः विप्लव
- ३कांग्रेसको एक वर्षभित्र महाधिवेशन गर्न दबाब बढाउनुसः शेखर कोइराला
- ४भारतीय पूर्वप्रधानमन्त्री सिंहको राजकीय अन्त्येष्टि
- ५माओवादी पहिलो दल भए गिरिबन्धु, वाइडबडी सबै फाइल खोल्ने प्रचण्डको चेतावनी
तपाईको कमेन्ट लेख्नुहोस्