दासढुंगा घटना षड्‌यन्त्र हो‚ मदन–आश्रितका हत्यारालाई कारबाही गर्छौं : बादल

खोज पत्रिका मङ्लबार, २०८२ पुस १५, १८ :०० बजे

काठमाडौँ । नेकपा एमाले उपाध्यक्ष रामबहादुर थापाले मदन भण्डारी र जीवराज आश्रितका हत्यारालाई कानूनको कठघरामा उभ्याएर छोड्ने प्रतिबद्धता व्यक्त गरेका छन् ।

मदन–आश्रित प्रतिष्ठानले आयोजना गरेको विचार विमर्शलाई सम्बोधन गर्दै उनले यस्तो प्रतिबद्धता जनाएका हुन् । उनले दासढुंगा घटना सुनियोजित षड्यन्त्र भएको जिकिर गरे ।

उनले उक्त घटना नेपालविरोधी जनविरोधीहरूको षड्यन्त्र रहेको बताए । अहिलेसम्म मदन–आश्रितका हत्यारालाई एकदिन कानूनको कठघरामा उभ्याउने बताए ।

थापाले भने, ‘दासढुंगा घटना नेपालविरोधी जनविरोधीहरूको भयंकर षड्यन्त्र थियो । षड्यन्त्रअन्तर्गत नै मदनआश्रितको हत्या गरिएको थियो । हामीले हत्यारालाई कानूनको कठघरामा ल्याउन सकेका छैनौँ । एक दिन हामी मदनआश्रितका हत्यारालाई कानूनको कठघरामा उभ्याउनेछौँ ।’

क्याटेगोरी : जनगुनासो, प्रमुख समाचार, राजनीति, विचार/लेख, समाचार