प्रधानमन्त्री ओली र पूर्वराष्ट्रपति भण्डारीबीच डेढ घण्टा कुराकानी

खोज पत्रिका बुधबार, २०८२ असार ४, १० :२९ बजे

काठमाडौं । प्रधानमन्त्री केपी शर्मा ओली र पूर्वराष्ट्रपति विद्यादेवी भण्डारीबीच बालुवाटारमा करिब डेढ घन्टा कुराकानी भएको छ ।

दुई नेताबीच तिक्तता बढेको अड्कलबाजी भइरहेका बेला मंगलबार पूर्वराष्ट्रपति भण्डारी प्रधानमन्त्री ओलीलाई भेट्न बालुवाटार पुगेकी थिइन् ।

करिब ७ बजे बालुवाटार प्रवेश गरेकी भण्डारी र प्रधानमन्त्री ओलीबीच करिब डेढ घन्टा समसामयिक राजनीति र अन्य विषयमा कुराकानी भएको बताइएको छ ।

पूर्वराष्ट्रपति भण्डारी चीन भ्रमणलगत्तै नेपालका पूर्वी जिल्लाको भ्रमण सकेर काठमाडौँ फर्किएपछि प्रधानमन्त्री ओलीलाई भेट्न बालुवाटार पुगेकी हुन् ।

भण्डारी सक्रिय राजनीतिमा फर्कने चर्चा चलिरहेका बेला उनको राजनीतिक भेटघाटबाट त्रसित प्रधानमन्त्री ओलीले सार्वजनिक रूपमै यस्ता गतिविधिको आलोचना गर्ने गरेका छन् ।

क्याटेगोरी : जनगुनासो, प्रमुख समाचार, राजनीति, विचार/लेख, समाचार, सामाजिक सञ्जाल