धरौटीमा छोड्ने आदेशपछि राणाः राज्यले फसाउन खोज्यो अदालतले बुझ्यो

खोज पत्रिका मङ्लबार, २०८२ असार ३, ०३ :०० बजे

काठमाडौं । राष्ट्रिय प्रजातन्त्र पार्टीका महामन्त्री डा. धवलशम्शेर राणाले आफूलाई ३ लाख धरौटीमा छोड्ने अदालतको आदेशप्रति खुशी व्यक्त गरेका छन् ।

राज्यले आफूहरुलाई फँसाउन खोजेको तर अदालतले रोकेको उनको भनाई छ । अदालतबाट बाहिरिने क्रममा सोमबार सञ्चारकर्मीसँग संक्षिप्त कुराकानी गर्दै डा. राणाले अदालतलाई धन्यवाद दिएका हुन ।

तीनकुनेको आन्दोलनमा राज्यको उग्रताले नै हिंसा भड्किएको राणाले आरोप लगाए । राजावादी आन्दोलन हराएको हो भन्ने पत्रकारको प्रश्नमा उनले इन्कार गरे । राणाले भने, ‘आन्दोलन हराएको छैन ।

हामी दोस्रो चरणका लागि होमवर्क गरिररहेका छौं । वर्षात पनि आइसकेको छ । शान्तिपूर्ण आन्दोलन हुन्छ । हामी हिंसामा विश्वास गर्दैनौं । तर राज्यले नांगो नाच देखाइरहेको छ । त्यसको घोर विरोध जनताले गर्नुपर्छ भन्ने सन्देश दिन चाहन्छु ।’

क्याटेगोरी : जनगुनासो, प्रमुख समाचार, राजनीति, विचार/लेख, समाचार