सिन्धुली जिल्ला अस्पतालमा बिरामीलाई फलफुल बितरण

खोज पत्रिका सोमवार, २०८१ साउन ७, ०३ :२४ बजे

सिन्धुली । नेपाली कांग्रेसका संस्थापक विश्वेश्वरप्रसाद कोइरालाको ४२ औँ स्मृति दिवसमा आइतबार देशभरि विभिन्न कार्यक्रमको आयोजना गरी मनाइएको छ ।

नेपाल बिद्यार्थी संघ सिन्धुलीको आयोजनामा पनि स्मृति दिवस मनाइएको छ । जिल्ला अस्पताल सिन्धुलीमा उपचारार्थ ३३ जना बिरामीलाई फलफुल बितरण गरिएको नेबिसंघ सिन्धुलीका सभापति भरत बिकले जानकारी दिए ।

नेपाली कांग्रेस सिन्धुलीका सभापति उपेन्द्रकुमार पोखरेलको विशेष उपस्थिति तथा पार्टीका विभिन्न तहका पदाधिकारी, विभिन्न भातृ तथा शुभेच्छुक संघसंस्थाका प्रमुख एबम प्रतिनिधिको उपस्थितिमा बिरामीलाई फलफुल बितरण गरिएको हो ।