एक मन्त्री पनि उपस्थित नभएपछि प्रतिनिधिसभा बैठक २ मिनेटमै स्थगित (भिडियोसहित)

खोज पत्रिका बिहिबार, २०८१ असार २७, २१ :५५ बजे

काठमाडौं । प्रतिनिधिसभाको बैठकमा प्रधानमन्त्री र कुनै पनि मन्त्री उपस्थित नभएपछि स्थगित भएको छ ।

बैठक सुरु हुनासाथ कांग्रेस सांसद रामहरि खतिवडाले बैठकमा एक जना पनि मन्त्री उपस्थित नभएको भन्दै सभामुखको ध्यानाकर्षण गराएका थिए ।

सांसद खतिवडाले ध्यानाकर्षण गराएपछि सभामुख देवराज घिमिरेले भोलि बिहान ११ बजेसम्मको लागि बैठक स्थगित भएको जानकारी गराए ।

बैठकमा मन्त्री नै उपस्थित नभएपछि २ मिनेट बसेर बैठक स्थगित गरिएको थियो । संसद बैठक चलिरहदा प्रधानमन्त्री र मन्त्रीहरु भने सिंहदरबारमा मन्त्रिपरिषद बैठक बसिरहेका थिए ।