के मुकुल ढकाललाई रास्वपाबाट निकाल्न लागिएको हो ? रविमाथि उठ्न सक्छन् यस्ता प्रश्न !

खोज पत्रिका मङ्लबार, २०८१ असार २५, ०९ :०४ बजे

काठमाडौं । काठमाडौं राष्ट्रिय स्वतन्त्र पार्टीको केन्द्रीय समिति बैठक मंगलबार बस्दैछ । बैठकमा निलम्बित महामन्त्री डा. मुकुल ढकालका विषयमा अनुशासन समितिले बुझाएको प्रतिवेदनमाथि छलफल हुनेछ ।

अनुशासन समितिले डा. ढकालमाथि अनुशासनात्मक कारबाहीको प्रतिवेदन पार्टी सभापति रवि लामिछानेलाई बुझाइसकेको छ । बैठकमा सभापति लामिछानेले प्रतिवेदन पेश गर्ने र समितिको सिफारिसबारे छलफल गरी निर्णय गरिनेछ । प्रतिवेदनमाथि छलफल गर्नकै लागि दुई घण्टा समय निर्धारण गरिएकाले मंगलबार नै निर्णय आउने बताइएको छ ।

अनुशासन समितिले गरेको सिफारिस केन्द्रीय समितिले हुबहु वा परिमार्जन गरी कार्यान्वयन गर्नसक्ने छ । अनुशासन समितिले डा. ढकाललाई पार्टीबाट निष्कासन गर्नुपर्ने सुझावसहितको प्रतिवेदन बुझाएको छ।

गत बुधबार बसेको पार्टी केन्द्रीय समितिको बैठकमा अनुशासन विपरीत अभद्र, अशोभनीय, अमर्यादित र अनुशासनहीन व्यवहार प्रदर्शन गरेको र पार्टीको छविमा प्रतिकुल प्रभाव पार्ने अभिव्यक्ति दिँदै हिँडेको भन्दै डा. ढकाललाई एक साताका लागि निलम्बन गरिएको थियो ।

यदि कारवाही गरे सभापति लामिछानेमाथि प्रश्नै उठाउन पाइने छैन् भन्ने आरोप लाग्नेछ । पार्टी क्रमश कमजोर बन्दै गएको प्रतिबेदन प्रस्तुत गर्दा सुधारको साटो कारवाही गरिएको आरोप पनि उनीमाथि लाग्नेछ ।