रवि लामिछाने छानबिन समिति बनाउन तयार रहको प्रधानमन्त्रीको दाबी

खोज पत्रिका शनिबार, २०८१ जेष्ठ ५, १० :४२ बजे

काठमाडौं । प्रधानमन्त्री पुष्पकमल दाहाल प्रचण्डले उपप्रधान तथा गृहमन्त्री रवि लामिछाने सहकारी छानबिनका लागि संसदीय समिति बनाउन तयार रहेको दाबी गरेका छन् । उनले अब अहिलेको गतिरोध अन्त्यका लागि छानबिन समिति नै समाधानको बाटो हुने पनि बताएका हुन ।

पछिल्लो चरणमा स्वयं गृहमन्त्री रवि लामिछाने पनि समिति बनाएर समाधान हुन्छ भने म तयार छु भनेको स्थिति पनि छ । आशा गरौं अब त्यतैतिर जान्छ यो समस्याको समाधान, गरिने उनको दाबी छ ।

शनिबार कान्तिपुर हाफ म्याराथुनको उद्घाटनपछि कुराकानी गर्दै प्रधानमन्त्री प्रचण्डले सहकारीको विषय उठाएर संसद् अवरुद्ध गर्नु गलत भएको बताए ।