प्रधानमन्त्री प्रचण्ड–ओली भेटवार्ता, टीआरसीबारे जुटेन सहमति

खोज पत्रिका शुक्रबार, २०८० माघ १९, १२ :०९ बजे

काठमाडौं । प्रधानमन्त्री पुष्पकमल दाहाल ‘प्रचण्ड’ र प्रमुख प्रतिपक्ष दल नेकपा एमाले अध्यक्ष केपी शर्मा ओलीबिच भेटवार्ता भएको छ । सिंहदरबारस्थित प्रधानमन्त्री तथा मन्त्रिपरिषद्को कार्यलय सिंहदरबारमा दुई नेताबिच भेटवार्ता भएको हो ।

शान्ति प्रक्रियासँग सम्बन्धित रहेको टीआरसी विधेयकका बारेमा उनीहरुबीच कुराकानी भएको छ । माओवादी केन्द्रका अध्यक्ष समेत रहेका प्रधानमन्त्रीसँगको भेटपछि एमाले अध्यक्ष ओलीले टीआरसीलाई मिलाएर चाँडै टुङ्गोमा पुर्‍याउनेबारे छलफल भएको जानकारी दिए ।

टिआरसी बिद्येयकमा एमालेले लिएको अडान कायमै छ । सरकारले संसद्को हिउँदे अधिवेशनमार्फत कानुन बनाएर शान्ति प्रक्रियालाई पूर्णता दिने तयारी गरेको छ । तर, एमालेले भने पीडित मैत्री कानुन बनाउनुपर्ने भन्दै विधेयकका केही बुँदामा असहमति राख्दै आएको छ ।