राष्ट्रपतिले मेयरलाई छाता ओढाएपछि तस्विर भाईरल, जनताको मन छोयो !

खोज पत्रिका शनिबार, २०८० साउन १३, ०२ :३६ बजे

काठमाडौं । राष्ट्रपति रामचन्द्र पौडेलले शुक्रबार बिहानै ललितपुरको पाटनस्थित कृष्ण मन्दिरको दर्शन गरेका छन् । त्यसक्रममा आफै छाता ओढेको राष्ट्रपति पौडेलको तस्बिर भाईरल बनेको छ । ललितपुर महानगरपालीकाका मेयर चिरबाबु महर्जनसहित कृष्ण मन्दिरको दर्शन गर्न पुगेका पौडेलको आफैले छाता ओढेको मात्रै होइन, त्यही छातामा ललितपुरमा मेयर समेत देखिएको भिडियोले सकारात्मक प्रतिक्रिया पाईरहेको छ ।

राष्ट्रपति रामचन्द्र पौडेल पुनः एकपटक चर्चामा आएका छन । कहिले प्रसंसा पाउने त कहिले बिबादमा आउने राष्ट्रपति पौडेलले यसपटक भने जनताको मनछुने ब्यबहार देखाएका छन । शुक्रबार बिहानै ललितपुरको पाटनस्थित कृष्ण मन्दिरको दर्शन गर्न पुगेका बेला आफै छाता ओढेको राष्ट्रपति पौडेलको तस्बिर अहिले भाईरल भईरहेको छ ।

राष्ट्रपति पौडेलले ललितपुर महानगरपालीकाका मेयर चिरबाबु महर्जनलाई पनी छाता ओढाएका छन । बिगतका राष्ट्रपतिहरुले यस्तै यस्तै बिषयमा आलोचना खेप्नुपरेपछी चनाखो बनेका राष्ट्रपति पौडेलले भने आफै छाता ओढेका हुन । पाटन कृष्णमन्दिर दर्शनका क्रममा राष्ट्रपति पौडेलले सुन्दरी चोक, मूलचोक र केशवनारायण चोकसहित पाटन सङ्ग्रहालयको समेत अवलोकन गरेका थिए ।

सो अवसरमा राष्ट्रपति पौडेललाई पाटन संग्रहालयमा निमित्त कार्यकारी निर्देशक सुरेश लाखे र स्मारक संरक्षण तथा दरबार हेरचाह कार्यालयका निमित्त प्रमुख शारदा शिवाकोटीले उक्त क्षेत्रको जानकारी गराएका थिए । राष्ट्रपति पौडेलले आफै छाता ओढेको तस्बिर भाइरल भएपछी अहिले सामाजिक सञ्जालहरुमा अनेक टिप्पणी भईरहेका छन ।

अधिकांस टिप्पणीमा राष्ट्रपति पौडेलको प्रसंसा भईरहेको छ । त्यसोत राष्ट्रपति पौडेलले यसअघि पनी चर्चा नकमाएका भने होईनन् । बिगतका राष्ट्रपतिहरुले तामाझामका साथ जनतालाई सास्ती दिदै सवारी गर्दा राष्ट्रपति पौडेलले भने सडकमा जनतासँगै सवारी गरेका थिए । गत फागुनमा राष्ट्रपतिमा निर्वाचित भएका पौडेलको उपचार खर्च, रेशम चौधरीलाई आममाफि लगायतका केहि बिषयमा भने आलोचना भईरहेको छ । खासगरी भारतमा लागेको उपचार खर्च आफै दिने कि सरकारले तिर्ने भन्ने बिषयमा मत बिभाजित छ । यो बिषयमा सर्वोच्च अदालतले पनी मुद्धा दर्ता गर्न आदेश दिएको छ ।