साफ च्याम्पियनसीप आजबाट, उद्घाटन खेलमा नेपाल र कुवेतबीच भिडन्त

काठमाडौं । १४ औं संस्करणको साफ च्याम्पियनसीपको उद्घाटन खेलमा नेपालले कुवेतको सामना गर्दैछ । भारतको बैङ्लुरुस्थित श्री कान्तिराभा रंगशालामा हुने खेल नेपाली समयअनुसार दिउँसो पौने चार बजेदेखि सुरु हुनेछ ।

दुई आमन्त्रित र साफका ६ राष्ट्र गरी ८ टोलीले च्याम्पियनसीपमा सहभागीता जनाउने छन् । फिफाको वरियतामा नेपाल १७४ औं स्थानमा छ भने कुवेत १४३ औं स्थानमा छ । कुवेत वरियताको आधारमा हेर्ने हो भने नेपाल भन्दा बलियो देखिन्छ ।

कुवेतले दश पटक अरेवियन गल्प कप जितिसकेको छ भने दश पटक एसियन कप समेत खेलिसकेको छ । साथै एक पटक विश्वकप समेत खेलेको छ । कुवेत र नेपालले अहिलेसम्म ९ खेल खेलेका छन् ।

नेपालले १ खेल मात्र बराबरीमा रोकेको छ भने बाँकी ८ खेल हारेको छ । नेपाल र कुवेतसँगै समूह ए मा आयोजक भारत र पाकिस्तान रहेको छ । पाकिस्तान र भारतबीचको दोस्रो खेल राति पौने ८ बजे हुनेछ ।

थप समाचार

सर्वोच्चको आदेश शिक्षक नेताहरूको हठका विरुद्धमा होः शंकर पोखरेल

भूकम्पीय जोखिमबाट बच्न चेतना फैलाउन आवश्यक छः राष्ट्रपति

आजदेखि बजेट अधिवेशन, प्रधानमन्त्रीले सम्बोधन गर्ने

आज भूकम्प स्मृति दिवस मनाइँदै

विद्या भट्टराईले दिइन् शिक्षा मन्त्रीलाई बधाई, प्रधानमन्त्रीलाई धन्यवाद

कक्षा १२ को वार्षिक परीक्षा नसर्ने