तीन दिनभित्र प्रधानन्यायाधीश नियुक्तिको बाटो खुलाउने निर्णय

खोज पत्रिका सोमवार, २०८० जेष्ठ २९, १२ :३७ बजे

काठमाडौं । प्रतिनिधिसभाको संसदीय सुनुवाइ समितिले प्रधानन्यायाधीश नियुक्तिको टुंगो असार १ गतेभित्र लगाउने भएको छ । सोमबार बसेको समिति बैठकले असार १ गतेभित्र नियुक्ति टुंगो लगाउने गरी सुनुवाइ गर्ने निर्णय गरेको हो ।

तीनदिनभित्र सुनुवाइ टुंगो लगाएपछि मात्रै प्रधानन्यायाधीश नियुक्तिको बाटो खुला हुनेछ । समितिले प्रधानन्यायाधीशमा सिफारिस हरिकृष्ण कार्कीविरुद्ध जेठ १६ गते उजुरी आह्वान गरेको थियो ।

१० दिनको समय उजुरीका लागि दिइएकोमा २९ उजुरी परेका छन् । जेठ ३० र ३१ गते समितिले उजुरीकर्तासँग छलफल बताएको छ । समितिसमक्ष कार्कीले प्रस्तुत गरेका कार्य योजना सदस्यहरूलाई उपलब्ध गराइएको छ ।

जेठ ३२ गते कार्कीलाई बोलाएर छलफल गर्ने कार्य तालिका तय छ । असार १ गते समितिले निर्णय गर्नेछ ।

क्याटेगोरी : प्रमुख समाचार, राजनीति, विचार/लेख, समाचार
ट्याग : #प्रधानन्यायाधीश नियुक्ती, #संसदीय सुनुवाइ समिति