पूर्वराजामाथि एमाले–माओवादी किन बन्दैछन् आक्रामक, ओलीको गालीमा प्रचण्डको ताली !

काठमाडौं । पुर्वराजा ज्ञानेन्द्र शाहको सक्रियता बढेको भन्दै नेकपा एमाले र नेकपा माओवादी केन्द्रका नेताहरु राजतन्त्रविरुद्ध आक्रामक हुन थालेका छन् । खासगरी एमाले अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल पुर्वराजा, राजावादी र राजतन्त्र विरुद्ध कडा टिप्पणी गर्न थालेका छन । आफ्ना अध्यक्षको पदचाप पछ्याउदै एमाले र माओवादी केन्द्रका अन्य नेताहरु समेत पुर्वराजामाथी खनिन थालेका छन् ।

प्रमुख प्रतिपक्षी दल नेकपा एमालेका अध्यक्ष केपी शर्मा ओली पुर्वराजा, राजसंस्था र राजवादीहरु माथी आपत्तिजनक अभिब्यक्ती दिईरहेका छन । यहि बेला सत्ताको नेतृत्व गरीरहेका नेकपा माओवादी केन्द्रका अध्यक्ष पुष्पकमल दाहाल प्रचण्डले पनी पुनः एकपटक पुर्वराजा र राजावादीहरुमाथी आक्रोश पोख्न सुरु गरेका छन् । एमाले अध्यक्ष ओलीका पछिल्लो केहि दिन यताका हरेक भाषणहरु पुर्वराजा ज्ञानेन्द्र शाहको विरोध केन्द्रित बनेका छन ।

इलामबाट पुर्वराजामाथी उत्तेजनात्मक शव्दले प्रहार गर्न सुरु गरेका ओलीको रीस काठमाडौँ आईपुग्दासम्म शान्त भएको छैन । अहिले उनको बोलीमा बोली मिसाउदै प्रधानमन्त्री प्रचण्डले समेत पुर्वराजाको खेदो खन्न सुरु गरेका हुन । एमाले अध्यक्ष ओलीले आइतबार मात्र राजतन्त्रका पक्षधरहरुलाई फटाह भनेका थिए । त्यसअघि इलाममा भएको एक कार्यक्रममा ओलीले पुर्वराजालाई चलखेल नगर्न चेतावनी दिएका थिए । सोमबार काठमाडौँमा श्रमिक दिवसको अबसरमा आयोजित कार्यक्रममा पनी ओलीले पुर्वराजाको खेदो खने । उनले मुसोले दुलोबाट हेरेझैँ पुर्वराजाले व्यवस्थाविरुद्ध अनुकूल समय हेरीरहेको आरोप लगाएका छन ।

ओलीको बोलीमा बोली मिलाउदै प्रधानमन्त्री प्रचण्डले समेत पुर्वराजा ज्ञानेन्द्रको सक्रियतामा असन्तुष्टि जनाएका छन । अखिल नेपाल ट्रेड युनियनको महाधिवेशनलाई सम्बोधन गर्दै प्रचण्डले पुर्व राजा र राजावादीहरु .माथी आक्रोस पोखे । उनले पूर्वराजालाई लक्षित गर्दै जनताले फोहोर फ्याँक्ने ठाउँमा फालेको व्यक्ति पूर्वबाट उठ्न खोजेको भन्दै आक्रामक टिप्पणी गरे । ओली र प्रचण्ड मात्र होईन एमाले र माओवादी केन्द्रका अन्य नेताहरुको भाषण पनी पुर्वराजा लक्षीत हुन थालेको छ ।

पछिल्लो समय पुर्वराजा ज्ञानेन्द्रले अहिलेको ब्यबस्था विरुद्ध अस्वभाबिक हर्कत देखाउन थालेको आरोप लगाउदै उनिहरुले कमजोरीको फाईदा उठाउदै लोकतन्त्र माथी धावा नबोल्न पुर्व राजालाई चेतावनी दिएका छन । त्यसो त पछिल्लो समय राजतन्त्र पक्षधरहरुको समेत सक्रियता बढेको छ । राजतन्त्रको वकालत गर्ने राष्ट्रिय प्रजातन्त्र पार्टीको संसदमा पुर्नउदय भएसंगै राजावादीहरु बर्तमान ब्यबस्थामाथी निरन्तर प्रश्न उठाईरहेका छन । जसबाट झस्किएका गणतन्त्रवादीहरु पुर्वराजा, राजावादी र राजतन्त्र विरुद्ध आपत्तीजनक अभिब्यक्ती दिन थालेका हुन ।

थप समाचार

सर्वोच्चको आदेश शिक्षक नेताहरूको हठका विरुद्धमा होः शंकर पोखरेल

भूकम्पीय जोखिमबाट बच्न चेतना फैलाउन आवश्यक छः राष्ट्रपति

आजदेखि बजेट अधिवेशन, प्रधानमन्त्रीले सम्बोधन गर्ने

आज भूकम्प स्मृति दिवस मनाइँदै

विद्या भट्टराईले दिइन् शिक्षा मन्त्रीलाई बधाई, प्रधानमन्त्रीलाई धन्यवाद

कक्षा १२ को वार्षिक परीक्षा नसर्ने