चार मन्त्रीको टुंगो लगाउन कांग्रेस केन्द्रीय समितिको बैठक

खोज पत्रिका आइतवार, २०७९ चैत्र १९, १३ :४५ बजे

काठमाडौं । नेपाली कांग्रेसको केन्द्रीय कार्यसम्पादन समितिको बैठक बस्दैछ । बैठक आज बिहान १० बजे बस्ने पार्टी केन्द्रीय कार्यालय सानेपामा बस्न लागेको हो ।

सरकारमा सहभागिताको विषयमा आन्तरिक विवाद देखिएपछि पार्टीले कार्यसम्पादन समितिको बैठक बोलाएको हो । बैठकमा पार्टीले पाएको थप चार मन्त्रालयमा कसलाई पठाउने भन्ने विषयमा पनि छलफल हुने बताइएको छ।

आन्तरिक भागबण्डा नमिल्दा सभापति शेरबहादुर देउवाले शुक्रबार आफ्नो समूहका चार जनालाई मात्र सरकारमा पठाइएका छन् ।

मन्त्रालय भागबन्डामा असन्तुष्टि जनाएको कोइराला समूह सम्मानजनक हिस्सेदारी नपाएको भन्दै सरकारमा सहभागी भएको छैन। यस्तै कांग्रेसले आज बारा २ मा उम्मेदवारको बारेमा टुंगो लगाउने बताइएको छ।