Techie IT
  • ३१ जेठ २०८१, बिहीबार
KhojPatrika

सत्ता गठबन्धनमा मिल्यो मन्त्रालयको भागबण्डा,अव मन्त्री छान्न बाँकी


काठमाडौं । सत्ता गठनबन्धनमा रहेका दलहरूले मन्त्रालयहरूको भागबन्डामा लगभग सहमति जुटाएका छन् । सबैभन्दा ठूलो दल नेपाली कांग्रेसले ८ मन्त्रालय‚ नेकपा माओवादी केन्द्रले ५ मन्त्रालय‚ एकीकृत समाजवादी पार्टीले २ मन्त्रालय पाउने गरी भागबण्डा मिलाइएको छ । जसमा कांग्रेसले अर्थ, परराष्ट्र, रक्षा‚ सहरी विकास‚ भूमि व्यवस्था‚ सामान्य प्रशासन‚ स्वास्थ्य र कानुन मन्त्रालय मन्त्रालय पाउने भएको छ ।

माओवादी केन्द्रले गृह‚ ऊर्जा‚ सञ्चार‚ पर्यटन र महिला तथा बालबालिका मन्त्रालयको जिम्मेवारी पाउने भएको छ । त्यस्तै एकीकृत समाजवादीले भौतिक पूर्वाधार र वन मन्त्रालय पाउनेछ ।

त्यस्तै नेपाल समाजवादी पार्टीले खानेपानी तथा सरसफाइ मन्त्रालय‚ जनमत पार्टीले उद्योग, वाणिज्य तथा आपूर्ति मन्त्रालय‚ नागरिक उन्मुक्ति पार्टीले युवा तथा खेलकुद र जनता समाजवादी पार्टीले शिक्षा, विज्ञान तथा प्रविधि मन्त्रालय‚ कृषि तथा पशुपन्छी मन्त्रालय‚ लोकतान्त्रिक समाजवादी पार्टीले श्रम, रोजगार तथा सामाजिक सुरक्षा मन्त्रालय पाउने गरी सहमति जुटेको बताइएको छ ।

दलहरुले मन्त्री पनि चयन गरिसकेका छन् । अव कुन मन्त्रालय कसलाई दिने भन्ने टुंगो लाग्न बाँकी छ ।


क्याटेगोरी : देश/दुनियाँ, प्रमुख समाचार, राजनीति, विचार/लेख, समाचार, सामाजिक सञ्जाल
ट्याग : #नेपाली कांग्रेसले ८ मन्त्रालय, #मन्त्रालयहरूको भागबन्डा

तपाईको कमेन्ट लेख्नुहोस्