Techie IT
  • ९ असार २०८१, शनिबार
KhojPatrika

राष्ट्रपति विद्यादेवी भण्डारीको कार्यकाल सकियो, निजी निवासमा सर्ने तयारी


काठमाडौं । राष्ट्रपति विद्यादेवी भण्डारीको कार्यकाल आजबाट सकिदैछ । फागुन २५ गते नयाँ राष्ट्रपतिमा नेपाली कांग्रेसका उम्मेदवार रामचन्द्र पौडेल निर्वाचित भइसकेका छन् ।

आजै कार्यकाल सकिने भएपछि भण्डारी शीतलनिवासबाट बूढानीलकण्ठ–२ चपलीस्थित निजी निवासमा सर्ने तयारी गरेकी छन् । उनी २९ गते निजी निवासमा सर्ने बताइएको छ ।

भण्डारी २०७२ कात्तिक ११ गते राष्ट्रपति पदमा पहिलो पटक निर्वाचित भएकी थिइन् । त्यसपछि दोस्रो कार्यकालका लागि २०७४ साल फागुन २९ गते उनी निर्वाचित भइन् ।

नयाँ राष्ट्रपतिमा निर्वाचित रामचन्द्र पौडेलको शपथ ग्रहण समारोह सोमबार हुँदैछ । संबैधानिक ब्यवस्था अनुसार प्रधानन्यायाधीश पद हाल रिक्त रहेकाले कायममुकायम प्रधानन्यायाधीश हरिकृष्ण कार्कीले पौडेललाई शपथ खुवाउनेछन् ।


क्याटेगोरी : देश/दुनियाँ, प्रमुख समाचार, राजनीति, समाचार
ट्याग : #रामचन्द्र पौडेल निर्वाचित, #राष्ट्रपति पद, #विद्यादेवी भण्डारीको कार्यकाल

तपाईको कमेन्ट लेख्नुहोस्