प्रचण्ड र ओलीको निरन्तर भेटवार्ता, राष्ट्रपतिबारे निष्किएन समाधान

खोज पत्रिका शुक्रबार, २०७९ फाल्गुन ५, १८ :१६ बजे

काठमाडौं । प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीबीच निरन्तर छलफल भइरहेको छ । कहिले बालुवाटार त कहिले बालकोटमा लगातार भेटवार्ता भएपनि राष्ट्रपतिको उम्मेद्वारबारे सहमति जुट्न सकेको छैन् ।

शुक्रबार पनि प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीको भेटवार्ता भएको हो । माओवादी केन्द्रका अध्यक्ष समेत रहेका प्रधानमन्त्री प्रचण्ड ओलीलाई भेट्न उनकै निवासमा पुगेका थिए । भेटमा राष्ट्रपति निर्वाचनबारे कुराकानी भएको थियो ।

भेटपछि प्रधानमन्त्री प्रचण्डले आफूहरु एकै ठाउँमा रहेको र केही दिनमा निष्कर्षमा पुग्ने बताएका थिए । पटक–पटक वार्ता छलफल भएपनि माओवादी केन्द्रले सहमतिका आधारमा राष्ट्रपतिको उम्मेद्वार बनाउनुपर्ने अडान लिइरहेको छ । तर, नेपाली कांग्रेसले ५ बर्ष प्रचण्डलाई सरकार सञ्चालन गर्न दिने भन्दै राष्ट्रपति आफूले पाउनुपर्ने बताएका छ ।