ज्ञानेन्द्र शाहीले भने भ्रष्ट्राचारको फाइल अख्तियारको दराजमा धुलो लाग्यो

खोज पत्रिका शनिबार, २०७९ माघ ७, १६ :५७ बजे

काठमाडौं । राष्ट्रिय प्रजातन्त्र पार्टीका प्रमुख सचेतक ज्ञानेन्द्र शाहीले सशस्त्र युद्धबाट मात्र राजनीतिमा स्थापित भइन्छ भन्ने मान्यता तोडिदै गएको दाबी गरेका छन् ।

शनिबार प्रतिनिधिसभामा उपसभामुखमा राष्ट्रिय स्वतन्त्र पार्टीकी सांसद इन्दिरा राना मगरलाई समर्थन गर्दै शाहीले सशस्त्र युद्ध र सडकबाट मात्रै नभई समाजसेवा र नागरिकको सेवाबाट पनि राजनीतिमा स्थातिप हुन सकिने उदाहरण भएको बताएका हुन ।

त्यस्तै, प्रमुख सचेतक शाहीले भ्रष्ट्राचारको फाइल अख्तियारको दराजमा धुलो लागेर थन्किएको भन्दै कारबाही नभएकोप्रति असन्तुष्टि बताए ।

उनले विदेशमा भ्रष्ट्राचार आरोपमा पूर्वराष्ट्रपति, पूर्वप्रधानमन्त्री, बहालवाला प्रधानमन्त्री र उच्च ओहोदाका व्यक्ति जेल गएको र कारबाही भएको भन्दै सांसद शाहीले नेपालमा पनि त्यस्तै हुनुपर्ने बताएका थिए ।

भ्रष्टाचारको आवाज सदन, सडक, सामाजिक सञ्जाल सबैतिर सुनिए पनि कारबाही कहीँ कतै नभएको भन्दै आपत्ति समेत जनाएका थिए ।