संसदमा हत्या आरोपी एमाले सांसद कोइरीबारे गृहमन्त्री लामिछाने र सांसद खतिवडाबीच जुहारी

खोज पत्रिका बिहिबार, २०७९ माघ ५, १३ :३० बजे

काठमाडौं । हत्या अभियोगमा प्रहरीको खोजी सूचीमा रहेका एमाले सांसद लक्ष्मी महतो कोइरी संसद् बैठकमा सहभागी भएपछि कांग्रेसले गृहमन्त्रीको ध्यानाकर्षण गराएको छ ।

कांग्रेसका सांसद रामहरि खतिवडाले सभामुखलाई प्रश्न गर्दै हत्याको अभियोग लागेका सांसद संसद बैठकमा भएकाले उनको मतदान प्रक्रिया रोक्नुपर्ने माग गरेका थिए ।

सांसद खतिवडाले हत्या अभियोग लागेका सांसदबारे संसदमै रहेका गृहमन्त्रीको पनि ध्यानाकर्षण गराएका थिए । केहीबेरपछि संसद बैठकमा बोल्दै गृहमन्त्री रवि लामिछानेले आफू कसैको दबाबमा नभ विधि र पद्धतीका आधारमा काम गर्ने जवाफ फर्काए ।

गृहमन्त्री लामिछानेले आफूलाई न्यायोचित र विधिसम्मत काम गर्नमा दबाब नदिन पनि सांसदहरुलाई सचेत गराएका थिए ।