कर्णाली प्रदेशको मुख्यमन्त्री राजकुमार शर्मा बन्ने पक्का

खोज पत्रिका सोमवार, २०७९ पुस २५, ०२ :५१ बजे

काठमाडौं । कर्णाली प्रदेशको मुख्यमन्त्री राजकुमार शर्मा बन्ने पक्का भएको छ । आइतबार साँझ प्रधानमन्त्रीको सरकारी निवास बालुवाटारमा बसेको सत्ता गठबन्धनको बैठकले नेकपा माओवादी केन्द्रलाई कर्णाली प्रदेशको मुख्यमन्त्री दिने सहमति गरेपछि शर्मा मुख्यमन्त्री बन्ने पक्का भएको हो ।

रुकुमपश्चिम ख बाट निर्वाचित शर्मा नेकपा माओवादी केन्द्रको कर्णाली प्रदेशको संसदीय दलको नेता हुन । उनी संसदीय दलको नेतामा सर्वसम्मत चयन भएका थिए । गत साता प्रदेश कमिटी बैठकले शर्मालाई सर्वसम्मत रुपमा दलको नेतामा चयन गरेको थियो ।

दलको नेताका लागि चार जनाको दाबी रहेपनि अन्ततः शर्मा सर्वसम्मत रुपमा दलको नेतामा चयन भएका हुन् । शर्मा २०७४ मा जिल्ला समन्वय समिति रुकुम पश्चिमको प्रमुख भएर काम गरिसकेका छन् भने पार्टीको जिल्ला इञ्चार्ज हुँदै प्रदेश अध्यक्षको भूमिका निर्वाह गरिसकेका नेता हुन् । शर्मा हाल नेकपा माओवादी केन्द्रको पोलिटब्युरो सदस्य समेत हुन् । शर्मालाई नेकपा एमाले र राप्रपाले समर्थन गर्नेछ ।

क्याटेगोरी : जीवनशैली, प्रमुख समाचार, राजनीति