काठमाडौंबाट मात्रै बने ५२ जना सांसद, माओवादी केन्द्र भने शुन्य

खोज पत्रिका बिहिबार, २०७९ मंसिर २९, १४ :३९ बजे

काठमाडौं । निर्वाचन आयोगले समानुपातिकको सांसदहरूको अन्तिम नामावली सार्वजनिक गरेसँगै देशको राजधानी काठमाडौंबाट मात्र ५२ जना सांसदले प्रतिनिधिसभा र प्रदेशसभामा प्रतिनिधित्व पाएका छन् । १० प्रतिनिधि तथा २० प्रदेशसभासहित ३० वटा प्रत्यक्ष निर्वाचन क्षेत्र रहेको काठमाडौँ जिल्लामा थप २२ जना विभिन्न राजनीतिक दलको तर्फबाट समानुपातिक सांसद बनेका छन् ।

प्रतिनिधिसभा तर्फ नेपाली कांग्रेसले ३, नेकपा एमालेले २, तथा राष्ट्रिय स्वतन्त्र पार्टीले ३ गरी ८ जनालाई काठमाडौंबाट सांसद बनाएको थियो । प्रतिनिधिसभाबाट मात्र काठमाडौंले १८ जना सांसद पाएको थियो । समानुपातिक तर्फ काठमाडौंबाट प्रदेशसभामा प्रतिनिधिसभा २० तथा प्रदेशतर्फ १४ जनाले अवसर पाएका छन् ।

प्रत्यक्षतर्फ २० सिट अनिवार्य रकेको काठमाडौंले समानुपातिकतर्फ पनि १४ जना सांसद पाएसँगै प्रतिनिधिसभा गरी ५२ जना सांसद पाएको छ । जसमा प्रदेशको समानुपातिक तर्फ कांग्रेसले ६ जना, एमालेले ४ जना, एकीकृत समाजवादीले १ जना, राप्रपाले २ जना तथा हाम्रो नेपाली पार्टीले १ जना काठमाडौंबाट प्रतिनिधित्व गराएका छन् ।

प्रतिनिधिसभा तथा प्रदेशसभामा प्रत्यक्ष तर्फ एक सिट पनि जित्न नसकेको नेकपा माओवादी केन्द्रको काठमाडौंमा जनप्रतिनिधि शून्य भएको छ । माओवादीले प्रतिनिधिसभा तथा प्रदेशसभातर्फ १ जनालाई पनि समानुपातिक तर्फ पठाएन । प्रत्यक्षमा १४ र बागमती प्रदेशमा २१ सिट समानुपातिकमा प्राप्त गरेपनि काठमाडौंबाट प्रतिनिधित्व शून्य भएको छ ।