स्याङ्जा २ बाट कांग्रेस उपसभापति धनराज गुरुङ विजयी, एमाले सचिव पद्मा अर्याल पराजित

खोज पत्रिका शनिबार, २०७९ मंसिर १७, २० :२३ बजे

काठमाडौं । स्याङ्जा क्षेत्र नम्बर २ बाट प्रतिनिधिसभा सदस्यमा नेपाली कांग्रेसका उम्मेदवार धनराज गुरुङ विजयी भएका छन् । कुल खसेको ७० हजार १ सय ९१ मतमध्ये ६८ हजार ५०८ मत गणना हुँदा धनराज एमाले उम्मेदवार पद्‍मा अर्याल भन्दा ५ हजार ७ सय ६६ मतान्तरले अघि छन् ।

२ हजार मत गन्न बाँकी रहँदा ५ हजारले अग्रता लिएपछि गुरुङको विजय जुलुस शुरु भएको छ । कांग्रेस उम्मेदवार धनराजले ३० हजार ९ सय ६९ मत पाएका छन् भने पद्‍माले २५ हजार २ सय ३ मत पाएकी छन् ।

त्यस्तै राष्ट्रिय स्वतन्त्र पार्टीका टिकराज गुरुङले ८ हजार १८ मत पाएका छन् । प्रदेशसभा २ मा पनि कांग्रेस उम्मेदवारले अग्रता कायम राखेका छन् । कांग्रेसका महेश भट्टराईले १८ हजार ३७८ मत पाएका छन् भने एमालेका वुद्धिमान श्रेष्ठले १६ हजार २४३ मत पाएका छन् ।