चिनियाँ राष्ट्रपति सी सँगको वार्तामा विवादको बिन्दु खारेज गर्ने बाइडेनको उद्घोष

खोज पत्रिका सोमवार, २०७९ कार्तिक २८, ०७ :३७ बजे

काठमाडौं । अमेरिकी राष्ट्रपति जो बाइडेनले चिनियाँ समकक्षी सी जिनपिङसँगको उच्चस्तरीय वार्तामा दुई देशबीच बढिरहेको विवादको बिन्दु पत्ता लगाउने बताएका छन् । भोलिदेखि इन्डोनेसियामा हुने जी–२० शिखर सम्मेलनका क्रममा दुई शक्ति देशका राष्ट्रपतिबीच भेट हुन हुने बताइएको छ ।

बाइडेन र सी बीच पहिलो प्रत्यक्ष भेट हुनेछ । अमेरिकामा केही दिनअघि भएको मध्यावधि चुनावमा बाइडेनको पार्टी डेमोक्र्याटले अनपेक्षित सफलता हासिल गरेको छ भने तेस्रो कार्यकाल चीनको राष्ट्रपति सम्हाल्नुभएका सी देशमा थप शक्तिसम्पन्न बनेका छन् । अहिले शक्तिशाली देशहरु अमेरिका र चीनबीच अन्तर्राष्ट्रिय व्यवस्थाप्रति फरक मत रहँदै आएको छ ।

विश्वका दुई ठूला अर्थतन्त्र भएका देशबीच व्यापार, मानव अधिकार तथा ताइवान रुस–युक्रेन मामिलामा विवाद रहेको छ । जी–२० सम्मेलनमा जानुअघि एसियाली नेताहरूसँग भेट गरेका अमेरिकी राष्ट्रपति बाइडेनले पत्रकारहरुसँग कुरा गर्दै आफूहरुबीच निकै थोरै मात्र मतभिन्नता रहेको भन्दै विवादका बिन्दु पत्ता लगाउने बताएका हुन ।

उत्तर कोरियाले छिट्टै सातौँ पटक आणविक परीक्षण गर्ने अनुमानबीच बाइडेनले चीनलाई उत्तर कोरियामाथि नियन्त्रणका लागि आग्रह गर्ने अमेरिकी सञ्चारमाध्यमले जनाउदै आएका छन् ।

क्याटेगोरी : राजनीति, विदेश, समाचार
ट्याग : #चिनियाँ राष्ट्रपति सी, #चुनावमा बाइडेन, #बाइडेन र सी बीच पहिलो प्रत्यक्ष भेट