जरिवाना उठाउन निर्वाचन आयोगको ताकेदा, नबुझाउनेलाई बन्दसूचीबाट हटाउने तयारी

खोज पत्रिका आइतवार, २०७९ कार्तिक ६, १२ :३८ बजे

काठमाडौं । निर्वाचन आयोगले समानुपातिकको बन्दसूचीमा परेर जरिवाना नबुझाएका उम्मेदवारलाई कारबाही गर्ने भएको छ ।

गत ३१ वैशाखमा सम्पन्न स्थानीय तहको निर्वाचनमा उम्मेदवार भएर निर्वाचन खर्चको विवरण नबुझाएर तोकिएको जरिवाना नतिर्ने उम्मेदवारलाई बन्दसूचीबाट हटाउने निर्णय आयोगले यसअघि गरेको थियो । सोही निर्णय अनुसार आयोगले हिजोसम्म जरिवाना बुझाउने समय दिएको थियो ।

उम्मेदवार भएर खर्चको विवरण नबुझाएका ४ सय ८ जनाको नाम आगामी निर्वाचनमा सहभागी गराउनका लागि राजनीतिक दलले समानुपातिककको बन्दसूचीमा पेस भएको थियो । त्यसमध्ये केहीले आयोगलाई जरिवाना तिरिसकेका छन् भने धेरैजसोले तिर्न बाँकी छ । जरिवाना नतिर्ने उम्मेदवारहरुलाई समानुपातिकतर्फको बन्दसूचीबाट हटाउने तयारी आयोगको छ ।