बालेनले ठेलागाडा खोसिदिएकी शर्मिलालाई हर्क साम्पाङले एक महिनाको तलव दिने

खोज पत्रिका शुक्रबार, २०७९ अशोज २८, २१ :१० बजे

काठमाडौं । काठमाडौं महानगरपालिकाले ठेलागाडा खोसेपछि अलपत्र परेकी शर्मिला तामाङलाई धरान उपमहानगरपालिकाका मेयर हर्क साम्पाङले एक महिनाको तलब दिने भएका छन् ।

मेयर बालेन शाहको आदेशमा नगर प्रहरी प्रमुख राजु पाण्डेले थापाथलीबाट शर्मिलाको ठेलागाडाका सामान फाल्नुका साथै गाडा लिएर गएर गएपछि उनी अहिले पनि तनावमा छिन ।

शर्मिलाले गाडा समातेर रोइरहेको फोटो र भिडिओ भाइरल भइरहेको बेला हर्कले फेसबुकमा फोटो शेयर गर्दै भनेका छन् यी बैनी को हुन् र ? यिन्लाई मेरो एक महिनाको तलब पठाइदिने घोषणा गर्दछु, जय मान्छे । साम्पाङले तलव दिने घोषणा गरेपछि बालेनलाई नैतिक प्रश्न उब्जिएको छ ।