मनास्लु हिमपहिरोबाट उद्धार गरियो ९ जना

खोज पत्रिका मङ्लबार, २०७९ अशोज ११, ०९ :३३ बजे

काठमाडौं । मनास्लुको हिमपहिरोमा परेर घाइते भएका ९ जनालाई उद्धार गरिएको छ । ६ जना घाइतेहरुलाई हेलिकोप्टरमार्फत् उद्धार गरेर कपनस्थित करुणा अस्पतालमा ल्याइएको छ ।

अन्यको अवस्था सामान्य भएकाले उनीहरु आफैं फर्किने बताइएको छ । चुमनुब्री गाउँपालिका(१ स्थित मनास्लु हिमालको आधार शिविरको पहिरोमा उनीहरु परेका थिए । हिमपहिरोमा परेर अनुप राईको मृत्यु भएको थियो ।

पर्यटन विभाग अन्तर्गतको पर्वतारोहण महाशाखाका अनुसार गम्भीर घाइते दुईजनासहित ६ जनालाई मंगलबार बिहान हेलिकोप्टरबाट उद्धार गरिएको छ । मौसम खराब भएकाले सोमबार उद्धार गर्न पनि कठिनाई भएको थियो ।

क्याटेगोरी : देश/दुनियाँ, प्रमुख समाचार, राजनीति, समाचार
ट्याग : #मनास्लुको हिमपहिरो, #हेलिकोप्टर