अवैध संरचना हटाउने महानगरको अभियानमासँगै रहेको उपमेयर सुनिताको प्रष्टिकरण

खोज पत्रिका आइतवार, २०७९ भदौ १२, १६ :२४ बजे

काठमाडौं । काठमाडौं महानगरपालिकाका मेयर बालेन्द्र साहको नेतृत्वमा चलिरहेको अनाधिकृत संरचना हटाउने र भुमिगत पार्किङ खाली गराउने अभियानमा उपमेयरको अनुपस्थितिलाई लिएर प्रश्न उठेपछि उपमेयर सुनिता डंगोलले स्पष्टीकरण दिएकी छन् ।

उपमेयर सुनिता डंगोलले सामाजिक सञ्जाल फेसबुकमा लामो स्ट्याटस लेख्दै अनधिकृत संरचनाहरू हटाउने महानगरको अभियानमा आफू सँगै रहेको स्पष्ट पारेकी हुन् ।

सुनिताले स्ट्याटसमा लेखेकी छिन– अनधिकृत संरचना हटाउने अभियान काठमाडौं महानगरको भएकाले कानून कार्यान्वयन गर्ने सबै कार्यमा उपमेयरको हैसियतले आफ्नो साथ, सहयोग र समर्थन रहेको छ। आफ्नो विषयमा केही अनलाइन मिडिया मार्फत भ्रम पैदा गरेको भन्दै उनले प्रतिवादसमेत गरेकी छन् ।

उपमेयर सुनिता डंगोलले पोष्ट गरेको स्टाट्स