कर्णाली प्रदेशमा माओवादीका दुई मन्त्रीले दिए राजीनामा,थपिदै दुई मन्त्री

खोज पत्रिका आइतवार, २०७९ भदौ १२, १६ :१९ बजे

काठमाडौं । कर्णाली सरकारमा सहभागी नेकपा माओवादी केन्द्रका दुई मन्त्रीले राजीनामा दिएका छन्। आर्थिक मामिला तथा योजना मन्त्री विन्दमान विष्ट र जलस्रोत तथा उर्जा विकास मन्त्री गणेशप्रसाद सिंहले आइतबार मुख्यमन्त्री जीवनबहादुर शाही समक्ष राजीनामा बुझाएका हुन् ।

माओवादी केन्द्रले मुख्यमन्त्री शाही समक्ष शुक्रबार मन्त्री विष्ट र सिंहलाई फिर्ता बोलाउने निर्णय गरेको थियो । सोही निर्णय अनुसार नै दुई मन्त्रीले राजीनामा दिएका हुन् । राजीनामा पत्र बुझे लगत्तै मुख्यमन्त्री शाहीले स्वीकृत समेत गरेका छन् ।

मन्त्री विष्ट र सिंहको राजीनामापछि माओवादी केन्द्रले मन्त्रीमा सिफारिस गरेका जाजरकोटकी सांसद कृष्णा शाह र रुकुम पश्चिमका सांसद रातो कामीलाई मुख्यमन्त्री शाहीले सोमबार नियुक्त गर्ने मुख्यमन्त्रीको सचिवालयले जनाएको छ । कर्णालीमा सरकार फेरबदलका कारण माओवादीका सबै सांसद मन्त्री बन्ने सौभाग्य पाएका छन् ।

क्याटेगोरी : देश/दुनियाँ, प्रमुख समाचार, राजनीति, समाचार