सत्ता गठबन्धनको कार्यदल बैठक निष्कर्षविहीन, शीर्ष नेतालाई ब्रिफिङ गरिने

खोज पत्रिका बुधबार, २०७९ भदौ १, १९ :२० बजे

काठमाडौं । सत्ता गठबन्धनबीच सिट बाँडफाँट गर्न बनेको कार्यदलको बैठक निष्कर्षविहीन भएको छ । प्रधानमन्त्री निवास बालुवाटारमा बसेको बुधबारको बैठकमा संयोजक कृष्ण सिटौलाले सिट बाँडफाँटको मोडालिटी पेश गर्ने भनिएपनि सहमति नभएपछि बैठक निष्कर्षविहीन भएको हो ।

आजको बैठकपछि कार्यदललाई दिएको जिम्मेवारी पूरा गर्ने अन्तिम चरणमा पुगेको सञ्चारमन्त्री तथा कार्यदलका सदस्य ज्ञानेन्द्रबहादुर कार्कीले बताए ।

बैठकपछि पत्रकारहरुसँग कुरा गर्दै उनले बैठक सकारात्मक दिशामा अघि बढिरहेको उल्लेन गरे । तर, सिट बाँडफाँडका विषयमा के के प्रगति भयो भन्ने खुलाइएको छैन । हालसम्म भएको बैठकको प्रगतिका विषयमा अब शीर्ष नेतालाई ब्रिफिङ गरेर सोही अनुसार शनिबार बैठक बस्नेछ ।

क्याटेगोरी : देश/दुनियाँ, प्रमुख समाचार, राजनीति, समाचार
ट्याग : #बैठक निष्कर्षविहीन, #सत्ता गठबन्धन